MG Hakfodak Ba OR, CNRT Konsidera Kumpri De’it Promesa Kampaña

Naunil Média (Díli), Reprezentante povu iha uma fukun Parlamentu Nasional (PN), Deputada Bankada Kongressu Nasionál Rekonstrusaun Timorense (CNRT), konsidera Orsamentu Ratifikativu (OR) atu kumpri de’it ba promesa kampaña iha Eleisaun Presidensiál foin lalais ne’e.

Lia hirak ne’e hato’o hosi Deputada bankada CNRT, Virgina Ana Belo, liu hosi nia intervensaun politika iha plenaria PN, segunda, (09/05).

Nia hateten, Iha komunikasaun informál ida entre ami Membru Governu balun mós hakfodak ba OR ne’e rasik.

“ Iha mós komunikasaun informal ida entre ami ho MG rasik ne’ebé sira sira rasik rekonese katak, sira rasik mos hakfodak, tanba iha tan orsamentu ratifakado,Tenik nia.

Nia hatutan, Ministru Finanças (MF) rasik mak dehan OR ne’e atu kumpri de’it promessa durante kampaña.

“ Entaun tenke lufu-lafu malu hodi halo OR no ida ne’e. Ministru Finansas rasik mak dehan orsamentu ratifikativu nee atu kumpri deit promesas.” Esplika nia

Tanba sira dehan. Komunikasaun PM ho MF de’it depois maka, tu’un ba ami no laiha lei balun para hodi ejekuta programa sira nee.

Nia mós deklara, ejekusaun ba orsamentu 2022 nian rasik mós sei ki’ik no ami sente katak, sei laiha kapasidade atu to’o iha ne’ebá ne’e komunikasaun informal.

Maibé deputada Bankada, Partidu Kamanek Haburas Unidade Nasionál Timor-Oan (Khunto), Olinda Guterres, Defende Governu hodi hateten,   kualker governasaun ida tenke iha (OR).

“hau mos uluk iha Aliansa Marioria Parlamentar (AMP) OR ne’e iha. Nune’e OR ne’ebé mak dadaun Governu haruka ba PN ne’e la’os atu sosa povu nia votus.” Haktuir nia.

Nune’ nia afirma, OR ne’e atu halo atendimentu ba povu nia nesesidade ne’ebé mak halo promete tiha ona ba iha povu.  Nune’e husu atu nafatin avansa halo debate ba iha OR sira kritika hanesan ne’e sei nafatin vota kontra,”hakotu nia. Ana/MJ1