FEATUREDIkus LiuNewsSaude

Atu Kombate COVID-19 Iha TL, MS Husu Millaun U$ 45,5

Fahe Tutan

Naunil Media (Díli), Ministériu Saúde (MS) liu hosi Ministru Saúde Interinu, Bonifácio Maukoli dos Reis, husu orsamentu millaun $45,5 hodi finánsia atividade ministériu nian.  relasaun ho prevensaun no kombate surtu COVID-19 iha Timor-Leste (TL).

“Ministériu Saúde husu por volta millaun U$ 45,5, iha ne’ebá prevé ba bens no serbisu, kapitál menór, kapitál dezenvolvimentu no mos transferénsia públika. Agora kona-bá bens no serbisu hodi responde subsídiu ba profisionál saúde sira ne’ebé iha liña oin”, hateten Ministru Saúde Interinu atual Vise Ministru Saúde, Bonifácio Maukoli dos Reis, iha plenária extraordinária Parlamentu Nasionál, Kinta (16/04).

“Ministériu Saúde halo kontratu ba sosa ekipamentu sira-ne’ebé foin daudaun Timor-Leste asina hela kontratu ho UNDP atu halo aprovijionamentu ba akizisaun kompra medikamentu. Kompra ba ekipamentu médiku, no mós ekipamentu protesaun individuál, foin lalais ita asina kontratu millaun U$5.7, ne’ebé hein katak semana oin ekipamentu sira-ne’e bele to’o ona para atu bele fó resposta ba iha nesesidade sira-ne’e”, esplika Nia.  

Niai dehan, Ministériu Saúde mós prevé millaun U$10-resin ba kapitál dezenvolvimentu, tanba la’ós hanoin de’it ba situasaun agora,  maibé haree mós ba situasaun piór liu iha futuru, tanba ita presiza identifika fatin atu bele halo konstrusaun ida ke permanente.

Enkuantu Parlamentu Nasionál aprova ona Fundu COVID-19 ho montante millaun $150 no hosi montante ne’e ministériu sira-ne’ebé toma konta COVID-19 19 tenke hatama planu hafoin asesu orsamentu refere. Ana

Leave a Reply

Your email address will not be published. Required fields are marked *