PNTL Munisípiu Díli Prontu Asegura Situasaun Iha Fatin Kuarentina
Naunil Media (Díli), Komandante Polísia Nasionál Timor-Leste (PNTL) Munisipiu Díli, Superintendente Xefe Polísia Armando Monteiro, hateten polísia munisipiu Díli prontu fó seguransa iha kapital Díli durante periódu estadu emerjénsia, liliu iha fatin kuarentina.
Komandante PNTL Munisipiu Díli, Superintendente Xefe Polísia Armando Monteiro ba jornalista sira hafoin partisipa enkontru liña ministeriál ho ekipa gabinete krize jestaun COVID-19 iha Centro Convenções Díli, Segunda (30/03).
“Ami fó seguransa hanesan bai-bain, hanesan seguransa ba fatin ijolamentu rua ne’ebé governu prepara hela agora dadaun ita fó seguransa ba fatin karantina sanulu resin rua, hahu hosi ita nia sidadaun mai hosi estranjeiru, to’o ohin loron no fatin sira seluk ne’ebé mak ita sei identifika hamutuk fatin haat tan ona maibe ohin no ba oin komandu munisipiu Díli prontu atu asegura desizaun ne’ebé mak governu foti ona” dehan Armando.
Nia hatutan, iha inísiu komunidade balun seidauk komprende fatin kuarentina no fatin ijolamentu maibe, parte seguransa ho autoridade lokál sosiliza no komunidade hahu komprende ona hodi servisu hamutuk asegura fatin sira ne’ebé governu deside sai fatin kuarentina no izolamentu.
“Inisiu deit mak komunidade falta informasaun no konsensia, maibe hafoin halo aprosimasaun hosi parte seguransa hamutuk ho autoridade lokál konvense no konsensializa ita nia komunidade. Ohin loron ita nia komunidade voluntariamente halo apresiasaun hamutuk ho ita nia autoridade lokál no konselu polisiamentu komunitariu, entaun fatin karantina sira ne’ebe ita nia governu liuhosi ministériu saúde prezide sai fatin kuarentina nian bele seguru”, informa komandante ne’e.
Nia dehan, ba oin mak governu deside aumenta fatin ba kuarentina mak komandu munisipiu Díli sei halo pedidu apoiu seguransa ba Komandante Jerál PNTL Komisáriu Faustinho da Costa hodi fó apoiu seguransa másimu ba fatin kuarentina hotel sira iha kapital Díli.
Tuir dadus Ministeriu Saúde nian to’o loron 30 fulam Marsu ne’e, fatin kuarentina hamutuk 14 ona no ema nain 864 mak dadaun ne’e iha hela kuarentina ne’ebe governu liuhosi Minstériu Saúde perpara. Uar
