PN Sei Fó Fleksibilidade Ba Governu Ezekuta Miliaun U$150

Fahe Tutan

Naunil Media (Díli), Primeira Vise Prezidente Parlamentu Nasionál (VPPN), Maria Angelina Lopes Sarmento, informa líder bankada deside iha semana oin sei halo alterasaun lei levantamentu extra-ordinária hosi fundu petrolíferu hodi fó fleksibilidade ba governu halo ezekusaun orsamentu hamutuk montate miliaun U$150 responde ba fundu COVID-19.

Primeira VPPN, Maria Angelina Lopes Sarmento, ba jornalista sira hafoin enkontru líder bankada sira iha sala konferensia PN, Sesta (29/05).

“Reuniaun líder bankada ohin, deputadu sira deside ajenda ba plenaria loron 1 Juñu   nian. Parlamentu Nasionál simu ona pedidu sobre lei levantamentu extra-ordináriu fundu petrolíferu ne’ebé debate  iha loron 2 fulan  Abríl liu bá kona-ba  orsamentu miliaun U$150, Mais 100 miloes ba fundu COVID-19 nian ne’ebe iha diskusaun ba fundu COVID-19 nian, deputadu sira integra artigu ida kona-ba Ministériu Finansa, Ministériu Saúde no Ministériu Negosius Estranjeirus mak sei ezekuta orsamentu COVID-19 nian”, hateten Primeira VPPN, Maria Angelina Lopes Sarmento.

Nia hatutan, artigu balun iha lei ezekusaun orsamentu ba COVID-19, maibé kesi metin hela governu nia poder, tamba ne’e presiza halo alterasaun.

“Iha ezekusaun governu haree katak iha defikuldade ezekusaun, ezekuta osan ne’e ho prosesu ne’ebé lais tamba artigu ida hosi lei ida ne’e maka kesi metin governu atu laiha fleksibilidade hodi ezekuta osan ida ne’e, tamba ne’e mak governu enfrenta dezafia atu ezekuta osan ida ne’e”, tenik nia.

“Semana oin Prezidente Parlamentu Nasionál (PPN) sei baixa ba komisaun C, trata asuntu ekonómia, iha Parlamentu Nasionál (PN) sei halo audensia ho ministériu relevante sira hodi halo relatóriu pareser, hanfoin entrega ba meza plenária halo diskusaun no alterasaun artigu espesífiku sira hodi  ministériu relevante  ezekuta fundu COVID-19 nian”. Dehan Nia. Uar

Leave a Reply

Your email address will not be published.