LBM Apoiu Ekipamentu prevensaun Covid-19 Ba CCDC Iha Holarua Manufahi
Naunil Media (Manufahi)’ Reprezentante diretor luta ba mudansa (LBM), José Dos Reís, içnforma Fundasaun (LBM) apoiu fasilidade fase ijene ba sentru Cablaqui Comunnity Development Center (CCDC) hodi utiliza ba prevene a’an husi Covid-19.
Ekipamentus hirak ne’e mak hanesan Balde neen (6) inklui sabaun fase lima.
“Ohin ita hamotuk iha fatin ida ne’e, tanba ita hetan lina kontaktu diak entre diretor Fundasaun Luta Ba Mudansa ho Cablaqui Comunnity Development Center (CCDC), atu dehan husi kontaktu ida ne’e mak ohin ita hamotuk hodi entrega material iigene nian, maibe ho apoiu ne’ebé mak fó ho valor ne’ebé kiik halo ligasaun ho pamdemia surtu Covid-19 nian ne’ebé mak ema barak preokupa inklui mundu tomak”, İnfoma diretor ne’e Ba Jornalista iha sentu formasaun Cablaqui Comunnity Development Center (CCDC) aldeia Fatuko Suku Holarua postu Administrativu Same munisipíu Manufahi, tersa (30/03).
Reprezentante Diretor ne’e deklara objetivu husi ajuda ekipamentus hirak ne’e hanesan parte ida serbisu hamutuk hodi konbate Surtu Covid-19.
“Fasilidade ne’ebé mak kiik maibe husu nafatin ba ita boot sira atu utiliza ho kuidadu, atu nune’e bele fo ninia inplikasaun ne’ebé pozitivu iha tempu aprendizajen”, tenik nia.
Iha fatin hanesan Diretór ezekutivu Centru Cablaqui Comunnity Development Center(CCDC) Carlito Marçal, Agradese ba apoiu husi parte Fundasaun Luta Ba Mudansa (LBM), ho hanoin ida ne’ebé di’ak hodi apoiu fasilidade fase liman nian, hanesan meius hodi bele prevene husi covid-19.
“Sasan ne’ebé mak apoiu husi Fundasaun Luta Ba Mudansa, hanesan balde inklui sabaun, ho apoiu hirak ne’e bele responde ona ami hodi utiliza durante ami nia atividade lor-loron, bele prevene mós ami ho foin sae sira iha CCDC husi moras aat ida ne’ebé mak espalla iha Timor-Leste ho naran pamdemia surtu Covid-19, tanba ho inisiativa husi parte Fundasaun Luta Ba Mudansa ho hanoin katak salva ema ida vida, bele salva ona ita nia nasaun”, dehan nia.
Sentru CCDC hari’i iha tinan 2017, hodi loke formasaun iha area formasaun Komputer IT, Agrikultura Hortikultura, lian ingles inklui Formasaun lideransa baziku.NFM
