Odete Rezeita Informasaun Ema Hela Kuarentena Halo Tratamentu Saúde Iha Liur

Naunil Media (Díli), Porta voz Sentru Integradu Jestaun Krize (CIGC-Sigla Português), Odete Viegas, hateten nia rejeita informasaun ne’ebé espalla iha públiku katak ema sira hela kuarentena ba hala’o tratamentu saúde iha liur.

“Ha’u hanoin informasaun sira ne’ebé mak sai ba públiku, katak ema sira hela iha kuarentena sai fali ba iha ospitál nasionál atu halo tratamentu, ne’e ha’u atu dehan de’it katak laloós, tanba iha ekipa médiku halo atendimentu ba sira iha kuarentena”, dehan atuál Diretóra Jerál Prestasaun Servisu Saúd, Ministériu Saúde (MS), liuhosi konferensia inprensa mak hala’o iha CIGC, Centro de Convenções de Díli (CCD), Segunda (13/04).

Odete Viegas da Silva, dehan sentru integradu konfirma ona katak informasaun ne’e laloós, tanba abitante sira ne’ebé seidauk kompre loron 14 konfinamentu obrigatóriu, sei labele sai hosi fatin kuarentena.

“Ha’u nia hanoin mídia parte ida nu’udar ekipa traballu, maibe infelizmente dadus ne’ebé mak ita bo’ot sira (jornalista) hetan ne’e, to’o agora sentru integradu laiha dadus eh seidauk iha informasaun”. dehan Nia. Ana