Armajen Mamuk, Vítima Dezastre Natural Manufahi La Hetan Ajudu Urjénsia

Fahe Tutan

Naunil Media (Manufahi), Kordenadór ba Asuntu Dezastre  Munisípiu Manufahi, Elezito Da Costa Machado, informa durante fulan tolu ona vítima ba dezastre Naturál uma kain-12 seidauk hetan ajudu tanba armajen mamuk.

“Durante fulan tolu (3) ona hahu husi fulan Jullu to’o mai iha fulan Setembru até agora fo’os mos laiha, atu hodi atende ba maluk sira vítima dezastre husi ahi han uma no husi anin sobu, maibe iha armajen so iha de’it hahan Kids mak hanesan, Ikan Sardina, Susu Ben, Supermi no Biskuat”, Kordenadór ba Asuntu Dezastre  Munisípiu Manufahi, Elezito Da Costa Machado, ba jornalista sira, iha nia kna’ar fatin Postu Same-Manufahi, Segunda (14/09).

Kordenadór ne’e relata, total uma kain-12 mak seidauk asesu ajudu to’o agora.

“Tanba fo’os laiha, vítima ahi han uma iha postu Alas, iha Betanu, iha suku Holarua, Turiskai, iha Kaimaun ho Lesuhata, sira ne’e mak seidauk hetan ajudu ruma”, esplika koodenadór ne’e.

Kona-ba problema ne’e, Nia dehan, to’o agora seidauk halo proposta ruma ba Diresaun Jestaun Nasionál (DJN), maibe nia espera tempu besik sei halo hodi responde ba iha populasaun sira nia problema. Nfm

Leave a Reply

Your email address will not be published.