Família Uma Kain 2.526 Hosi Munisípiu Neén Afeitadu Ba Inundasaun
Naunil Media (Díli),Sekretáriu Estadu Protesaun Sivíl (SEPS), Alexandrino Xavier, hateten inundasaun ne’ebé akontese foin lalais iha munisípiu neén (6) no ne’e afeita ba família uma kain hamutuk 2.526.
Sekretáriu Estadu Protesaun Sivíl, Alexandrino Xavier, ba jornalista sira iha palásiu governu, Segunda (25/05).
“Ohin, ita mobiliza ona apoiu emerjénsia balun, ami fó ona apoiu fós, ai-han ba ona iha parte-leste no parte kosta-sul. Hosi dadus provizoriu ne’ebé ami simu ona iha munisípiu neén total família hamutuk 2.528”, informa SEPS, Alezandrino.
Membru governu konstitusionál da-ualu, Alexandrino, hatutan dezastre naturál akontese foin lalais ne’e, governu fó ona apoiu emerjénsia bas komunidade ne’ebé afeta ba inundasaun.
“Ha’u hanoin iha munisípiu Kovalima dadus hamutuk 1185 ne’e kompostu hosi Zumalai, Suai Vila no Tilomar, hosi Manufahi hamutuk 207, Same vila, Alas no Betanu, Baucau hamutuk uma kain 4, Baguia, Venilale no Vikeke hamutuk 407 no Lospalos no Manatuto hamutuk 725”, Nia governante ne’e.
Dezastere naturál ne’ebé akontese foin lalais ne’e mak hanesan rai monu, anin bo’ot no udan bo’ot, ho ida ne’e estragra komunidade sira nian hela fatin.
Nune’e estadu emerjénsia remata ekipa SEPS halo fali levantamentu ba iha rekuperasaun uma hirak ne’ebé hetan estraga totál. Dadau ne’e SEPS hahú fó apoiu nesesidade báziku ba kumunidade sira ne’ebé afeta ba dezastre naturál. Ana