Ekipa Femenina BCTL Kampeaun ba Torneu Futsal MAPKOMS Cup 2020
Naunil Media (Díli), Ekipa femenina Banco Central Timor-Leste (BCTL) kampeaun ba Torneu futebol salaun (futsal) MAPKOMS Cup 2020, hafoin susesu halakon Tatoli iha jogu final mak hala’o iha kámpu Multifunsaun Bebora, Domingu (29/11).
BCTL tun kedas ho ambisaun aas hodi marka golu no jogu foin hala’o minutu 1 Carla susesu lori BCTL lidera ho score 1-0. Liu de’it minutu 1 ka iha minutu 2 BCTL haboot liu tan score ba 2-0 liu husi jogadora Elda.
Tama ba iha minutu 4 ekipa BCTL marka tan golu ida hodi muda aumenta score ba 3-0, liu husi jogador Juvinia.
Ho score 3-0 ne’e mantein too termina jogu parte dahuluk.
Kontinua ba jogu segunda parte ekipa tatoli komesa halo mudansa ba tatika maibé ekipa BCTL kontinua marka tan golu rua tuir malu liu husi jogadora Natalina iha minutu 7 no Rosangola iha minutu 9 hodi muda score ba 5-0.
Hela ho score 5-0 halo ekipa Tatoli esforsu hodi responde golu tolu tui-tuir malu liu husi jogadora Celestina no mós golu rua husi Maria hodi muda hikas score ba 5-3 to’o termina jogu parte daruak vitória ba BCTL hodi sai kampeaun ba Torneu MAPKOMS Cup 2020. Dvo
