MS Laiha Ai-Moruk Rega Susuk, Denge Hamate Ema Nain-10
Naunil Media (Díli), Ministra Saúde (MS), Odete Maria Freitas Belo, hateten dadaun ne’e Ministériu laiha estoke ai-moruk kimiku ba halo fomigasaun no abate hodi rega susuk sira iha bee nalihun atu prevene moras dengue iiha rai laran.
“Ita nia item balun laiha ona iha armazen, entaun ida ne’e afeta tebes liu-liu estoke abate mak laiha ona”, dehan Minstra Saúde ba jornalista sira iha Palacio Governu, Segunda (22/06).
Ministra Odete Maria Freitas Belo, hatete kazu dengue ho númeru aas iha Timor-Leste, maibé durante fulan hirak ikus ne’e konsentra maka’as liuba propagasaun Surtu COVID-19.
“Depois profesionál saúde mos halo fomigasaun ba fatin sira ne’ebé afetadu ba moras dengue no tau mos ai-moruk abate ba iha bee laran para atu hamate dengue ida ne’e, entaun servisu sira ne’e kontinua la’o nafatin”, hateten Ministra Saúde, Odete.
Minstra Saúde sujere ba komunidade ida-idak atu hamoos uma laran, labele husik hodi kontribui ba susuk.
“Durante fulan Janeiru to’o meadu fulan Juñu kazu dengue hamutuk 1000 resin no mate na’in 10 tanba agora dadaun surtu dengue mak sa’e maka’as no laos dengue deit maibé iha mos moras lahadaet sira seluk mos sae makas tanba durante ne’e ita haree liu ba COVID-19”, dehan Odete.
Xefe departamentu saúde ambiental Ministériu Saúde, José Moniz, iha nia kna’ar fatin relata, dadus husi vijilánsia husi Janeiro to’o meadu Juñu ne’e rejista ona pasiente ho moras dengue hamutuk rihun no konsege hamate ema nain 10.
“Husi munisipiu tolu hansesan Díli, Ermera no munisipiu Liquiçá mak risku ba kazu dengue, tanba tuir dadus númeru aumenta maka’as hafoin maka munisipiu hitu seluk inklui Rejiaun Administrativa Espesiál Oe-Cusse Ambeno (RAEOA). Dul
