MNEK-MCAE Halo Reuniaun ho Parseiru Dezenvolvimentu Atualiza Progresu TL Adezaun ba ASEAN
Naunil Media (Dili),Ministeriu Negosiu Estranjeirus no Kooperasaun (MNEK) hamutuk ho Ministériu Koordenasaun Asuntus Ekonomikus (MCAE- Sigla Portugues), servisu hamutuk organiza reuniaun ida ho Parseiru Dezenvolvimentu sira hodi atualiza kona-ba Timor-Leste nia progresu adezaun no integrasaun ba Asosiasaun Nasaun Sudeste Asiatiku (ASEAN)
Ministra Negosius Estranjeirus no Kooperasaun MNEK, Adaljiza Magno,informa, atividade ida ohin ne’e kleur ona desde fulan Novembru tinan kotuk, Kuandu paizes Membru ASEAN sira deklara ona katak, sira em prinsipiu admiti Timor-Leste sai Membru Asean ba 11.
“Ohin organiza reuniaun ida ne’e atu nune’e bele tuur hamutuk no diskusaun no fo informasaun ba malu, saida maka presiza ho parseiru dezenvolvimentu sira,”. Dehan Ministra, iha Auditoriu Kay Rala Xanana Gusmao, Ministeriu Finansas, Segunda(10/04).
Nia afirma, Ita hanoin kedas oinsa mobiliza ne’ebe mak ita iha no parseiru dezenvolvimentu sira ne’ebe maka iha ona komprimisiu hodi ajuda Timor-Leste bele prepara aan di’ak liu antes atu sai Membru iha Futuru.
Tanba nee,ba parseiru dezenvolvimentu sira saida maka sira hatene no ajuda hodi prepara ita nia rai di’ak liu tan atu sai Membru ASEAN.
Entretantu diskusaun iha enkontru ne’e foku ba Timor-Leste nia harmonizasaun ho estrutura no padraun-sira hosi pilár tolu ASEAN nian, hanesan Pilár Polítiku-Seguransa Komunidade ASEAN, Pilár Ekonómiku Komunidade ASEAN ho Pilár Sósiu-Kulturál Komunidade ASEAN.
Aliende ne’e mos halo aprezentasaun detallu ho Parseiru Dezenvolvimentu sira kona-ba rezultadu saida maka hakarak husi asistensia parseiru dezenvolvimentu sira.
Entaun Governu Australia ho komprimitdu ba orsamentu 8 miloes, no mos Governu sira seluk mos hakarak hatene kona-ba area ne’ebe mak sira bele ajuda. Ana
