Aldeia Haat Iha Suku Daudere Seidauk Asesu Bee Moos no Eletrisidade
Naunil Media (Lautém), Komunidade Aldeia haat (Aldeia Eludui, Makalodo, Kekerara no Taruama) hosi suku Daudere, Postu Administrativu Lospalos, Munisípiu Lautém, seidauk asesu bee moos no eletrisidade.
Situasaun komunidade sira nian ne’e, xefe suku Daudere, Aderito Morais, informa ba jornalista Naunil Media via telefone, Domingo (21/06).
“Aldeia 4 ne’e iha tempu okupasaun Indonézia to’o ohin-loron la asesu ba bee moos ho ahi eletresidade. Era ukun rasik-an ne’e, komunidade sira la sente dezenvolvimentu ho dignu, tamba to’o ohin-loron sei moris iha nakukun laran”, tenik autoridade suku Daudere, Aderito Morais.
Xefe Suku esplika, durante ne’e komunidade sira tenke la’o kilometru rua (2) hosi kuru bee mota no bee posu ba nesesidade loron-loron.
“Husu ba governu atu fó atensaun ba situasaun komunidade sira nian, tanba tempu ona atu hadi’ak povu nia moris, atu povu bele sente ona dezemvolvimentu iha ida-idak nia moris fatin” sujere Aderito.
Aleide problema bee moos no eletrisidade, komunidade iha suku refere preqokupa mos kondisaun Estrada ne’ebe grave no susar atu lori produtu agrikultór ba fa’an iha merkadu.
Aldeia haat ne’e mak hanesan Aldeia Eludui, Makalodo, Kekerara no Taruama ho totál populasaun 2.156. Latu
