Lere Anan Timur, Nafatin Apela Lider Sira Tenki Hamutuk Lori TL Ba Oin
Naunil Media (Dili), Kandidatura Prezidente da Republika, Jeneral Lere Anan Timur, Hafoin enkontru Ekipa Vitória, Mantein nafatin pozisaun ho konsistenti katak, lider sira tenke hamutuk atu lori nasaun no estadu ne’e ba oin.
“Hatán ba preokupasaun barak iha públiku kona-ba Jenerál nia pozisaun polítika iha loron hirak tuir mai, Jenerál nafatin apela unidade nasionál, dame, armonia, no respeitu mutuo no mos ba lideres tomak atu hadomi malun nafatin.” Dehan Lere Anan Timur, iha Sede nasional Pantai kelepa, Domingu, (20/03).
Iha tempu badak, wainhira apuramentu nasionál finalizadu ona, J-LAT sei halo komunikadu imprensa ida atu informa ba públiku konaba nia hanoin sira tuir Mai.
Lere Anan Timur, dala ida tan hato’o agradesimentu tomak ba parte hotu ne’ebe fó ona sira nia apoiu ba nia kandidatura.
Jenerál mos hato’o dala ida tan sentidu profundu ba familia kordenador RAEOA, Sr. António Lelan. Ita husu ba Aman-Maromak atu bele simu nia iha nia kadunan santu.LAT
