MI Aprezenta Rezultado Enkontru Membru PNTL ba KM
Naunil Media (Díli), Ministru Interior (MI), Francisco da Costa Guterres, informa aprezenta ona rezultadu enkontru entre membru PNTL reformadu ba Konsellu Ministru.
“ohin aprezenta ona iha Konsellu Ministru, Governu sei prepara hela, iha fulan ida ne’e nia laran, ou fulan oin, Governu sei aprezenta rezolusaun no mekanizmu hotu atu rezolve problema ida ne’e,”dehan Francisco da Costa Guterres, ba jornalista sira, remata reuniaun Konsellu Ministru, iha Palásiu Governu, Tersa (12/07).
Nia hatutan, wainhira ita bolu sira ba reforma ho dignu no sira kontinua iha ligasaun lasus entre sira ho komunidade, PNTL, Governu no estadu, nune bele fasilita servisu Governu nian iha áreas ne’ebé mak sira hela ba ne’e.
Gamba nee, Kona-ba revizaun estatutu, sei presiza tempu tanba iha prosediementu mak sala la’os estatutu mak sala, ne’ebé presiza reve fila fali no halo diak,”katak nia.
Aleinde nee, kona-ba atividade peska ilegal ne’ebe kontinua lao iha ita nia rai hodi ameasa soberania fronteira,Guvernu iha ona planu liu hosi Autoridade Maritima Nasional hodi halo kontrolu masimu.
Ho nune’e bele prevene no elimina peska ilegal hirak ne’ebe la deklara no la regula iha akordu estadu portu nian maibe sei kria uluk kondisaun hirak hanesan ekipamentu apoia maritima nian,”tenik nia. Ana
