DesportuFEATUREDIkus LiuNews

SEJD-CDTL Abertura Atletas Partisipa Iha Sea Games 2023

Fahe Tutan

Naunil Media  (Díli),  Sekretáriu Estadu Juvetude ba Desportu (SEJD)  Abrão Saldanha informa, Ohin SEJD ho Konfederasaun Desportu Timor-Leste (CDTL sigla portugés) lansa preparasaun atleta Timoroan hodi kompete SEA Games 2023, iha Cambodia iha fulan Maiu tinan ne’e.

“Ohin lansa preparasaun atleta ba Sea Games iha tinan ne’e, ami mai haree atleta sira husi modalidade Karate-Do, Taekwondo, voleibol praia ho boxing no planu tan sei ba haree sira seluk tan ne’ebe ami sei avalia hamutuk ho treinador no jestor sira kada modalidade oinsa prepara diak ba kompetisaun ne’ebe orsamentu ba preparasaun ita nia governu apoiu 82.000 USD transfere ona ba CDTL”, dehan SEJD Abrão Saldanha ba jornalista sira iha jinajiu desportu Dili foin lalais ne’e.

Governante ne’e hateten, Orsamentu preparasaun governu manda ona ba CDTL, depois mak sira jestsun  ho federasaun sira ne’ebé halo preparasaun atleta sira ne’ebé atu partisipa SEA Games tinan ne’e preparasaun mak determina sira.

Iha fatin hanesan Prezidente CDTL Macario F. Sanches profunda, planu governu prepara modalidade hitu (7), maibé komite olimpiku aprezenta modalidade tolu tan ne’ebé iha modalidade sanulu no hein iha fulan marsu ka abril sei hetan tan atleta kualidade hodi kompete iha Sea Games tinan ne’e.

“Agora ita prepara modalidade hitu tuir planu governu nian, maibé komite olimpiku aprezenta modalidade tolu, ita nia modalidade sanulu mak sei kompete iha Sea Games, ohin ita konsentra  iha lansamentu ba preparasaun ne’e, hein katak iha fulan Marsu ka Abril ita sei hetan atleta kualidade para kompete iha Sea Games Cambodia tinan ne’e”, tenik prezidente.

Tuir Macario, Modalidade sira ne’ebé atu ba partisipa SEA Games tinan ne’e maka federasaun voleibol, taekwondo, boxing, Fhakuptil, natasaun, karate, siklismu, futebol no atletizmu no atleta husi modalidade sira ne’e hamutuk nain-27 ho treinador nain-13 mak halo preparasaun to’o iha fulan abril mak foin bele hatene numeru hira mak fiksu partisipa SEA Games tinan ne’e.

Iha sorin seluk treinadór Mario Bento voleibol Praia (Tasi) akresenta tan, sira nia preparasaun inisiu fulan Janeiru ne’ebé sira halo treinu dala tolu kada semana, tanba orsamentu preparasaun seidauk iha

“Ami nia atleta sira nia preparasaun dezde fulan janeiru, semana ida dala tolu husi segunda, kuarta no sesta, tanba orsamentu preparasaun seidauk iha ne’ebé agora ami prepara atleta na’in neen maibe atu aranka nain haat  deit”, Bento hatete.

Husu governu para fó oportunidade  ba atleta nain neen halo preparasaun to’o atu aranka ba SEA Games, lori na’in haat no atleta sira ne’e mesak mane de’it feto la iha, tanba iha difikuldade orsamentu, hakotu. Aba

Leave a Reply

Your email address will not be published. Required fields are marked *