Roberto: 2017 Matebian Francisca Gama Moras Uluk Ba Struk
Naunil Media (Díli), Família matebian Roberto José Barbosa informa, iha tinan 2017 matebian Francisca Gama hetan moras da-uluk struk, fase raan la konsege matebian komfirmadu pozitivu tama izolamentu to’o hakotu I’is ba Covid-19.
Família matebian Roberto Jose Barbosa ba jornalista sira hafoin remata hakoi mate isin Fransisca Gama, iha postu Admistrativu Metrinaru, tersa (6/03).
“Matebian ne’e hetan moras iha tinan 2017 tensaun no strok diak fila fali. Foin daduk ne’e nia hetan tan moras ida ne’e (Covid-19) mak todan liu. Matebian ne’e, mós hetan tan moras rins depois doutór sira haruka atu fase raan, maibé la konsege fase raan to’o nia komfrimadu posetivu Covid-19, no ekipa saúde lori nia ba iha isolamentu la to’o semana rua-nia hakotu nia I’is”, dehan Roberto ho sentimentu triste.
Roberto hatutan, família sente triste tanba lakon família maibé ida ne’e mak prosesu moris ema nian no planu Maromak ne’ebé bolu ona Francisca, família nafatin kolabora ho governu ba prosesu hotu. Matebian husik hela nia kaben ho oan mane nain-rua, matebian nia oan ki’ik agora hamutuk ho nianaman iha sala isolamentu, oan mane boot agora hela hamutuk nian bin no tia.
“Ami promete katak bainhira pandemia covid-19 ne’e remata ami sei lori matebian ba nia rai iha munisípiu Baukau postu admistrativu Laga, suku Saelari hodi tuir prosesu lisan matebian nian”. Tenik nia.
Tuir objervasaun jornalista Naunil Media iha tereinu nota katak matebian nian família, asiste husi laen, oan mane ida akompana iha prosesu funebre nomós akompaña sentru Integradu jesataun krize (SIJK), Ministériu Saúde (MS), ekipa Ministériu Solidadridade Sosiál Inkluzasaun (MSSI) no hetan seguransa masimu husi Polísia Nasionál Timor-Leste (PNTL). Ipe
