Lere : F-FDTL Tenki Banati Tuir Misaun Mahein São Minguel
Naunil Media (Díli), Xefe Estadu Maior Jeneral FALINTIL-FDTL, Majór Jeneral Lere Anan Timur, hatete F-FDTL tenki banati tuir misaun São Minguel Arcanjo. Lere Anan Timor hato’o lia hirak ne’e ba jornalista sira hafoin misa São Miguel Arkanjo, ba dala-5 iha Kauartel Jeral Fatuhada, Kinta (22/10).
“Hau dehan, uluk funu mos ami iha ida-idak nia padrueiru no iha Timor 90% mak Katolika, tan-ne’e tenki santu ida atu sai Ita-nia pdrueiru atu protege espiritualmente no fizikamente”, haktuir Lere Anan Timur
Eis-gerileiru rejistensia komandante rejiaun um ponta leste ne’e hatutan “Agora funu la iha ona, funu iha karik ita husu Ita nia padrueiru atu protege Ita iha liña kombate, maibe agora funu la iha ona husu para proteze Ita husi tentasaun oin-oin, loron-loron mosu sai dezafiu ba instituisaun, dezafiu ba família no seluk tan”, hatutan Nia
Iha fatin hanensan Arce Bispu Metropolitanu Diosese Díli, Dom Virgílio Do Carmo Da Silva SDB, iha nia homilia, agradese ba maromak ho partikularmente ne’ebe haraik ona São Minguel Arcanjo nu’udar mahein ida ba Instituisaun FALINTIL-FDTL.
“São Minguel Arcanjo, Nia mak funu nain ida ne’ebe funu hasoru santanas ho nia maluk sira, Nia mak defensor ida ne’ebe Maromak nia belun sira, Nia mak protetor Maromak, Nia povu no protector Forsa Defesa ninian” dehan Arce Bispu Metropolitanu Díli Dom Virgílio Do Carmo Da Silva SDB
Tuir Nia, “Ita presija duni, ita-nia konfia ba anju sira atu protector ita basa Arcanjo hirak ne’e mak Maromak nia menssageiro manu ain”.
“Mai ita ne’ebe ohin halo votus São Minguel Arcanjo nian atu tau iha ita nia hanoin, katak festa ida ne la’os festa foun maibe festa tuan ne’ebe hori uluk kedas iha seklu quinto depois de cristo, tan-ne’e ohin Maromak konvida ita halo fila-fali festa ida ne’e atu hamanas no hafoun ita-nia dejeju atu la’o tuir dalan nain Maromak nian São Minguel Arcanjo nia-missaun”, tenik Arce Bispu Dom Virgílio
Arce Bispu haktuir, menssagem Santo Padre Franciso nian ne’ebe dehan ita hamutuk ita mehi oinsa mak ita bele hadi’ak liu-tan ita nia án nu’udar Maromak nia-ilas no Maromak nia-kriatura, basa ita fo onra Anju São Minguel Arcanju, sira makkbiit tomak Maromak nian ida ne’ebe halo buat hotu, buat ne’ebe ita bele haree no mos labele hare.
“Husi liafuan murak no kmo’ok hirak ne’e mak serve mai ita atu buka tulun no harohan da’et husi São Minguel Arcanjo nian atu tulun ita no tahan ita iha situasaun defisili nia-laran atu lori ita hetan protesaun ba ita ida-idak nia-án”, dehan Bispu.
Misa solene ne’e prezide husi Arce Bispo Metropolitanu Dioseze Dili Dom Virgílio Do Carmo Da Silva ,SDB, participa iha iha misa ne’e, Maijor Jeneral Leren Anan Timor ho nia espoza, membru (F-FDTL) sira hotu ho espoza sira. Nel/Pau
