SEA Estabelese Brigada Ambiental
Naunil Media (Díli), Sekretáriu Estadu Ambiente (SEA) estabele brigada ambiental no apoiu formasaun dahuluk servisu voluntáriu joven, kona-ba ambiental iha komunidade, nune’e tun direta halo intervensaun.
SEA realiza aktividade ne’e durante loron rua hahu 22-23 fulan Outubru no sei kontinua lansamentu brigada ambiental iha loron 26 Outubru.
“Estabelese brigada ambiental no fo formasaun ba sira bainhira formasaun remata parte SEA sei kordena ho ministeiru sira hodi kontinua fo formasaun hodi ajuda intituisaun sira estadu nian atende problema emergensia mosu iha komunidade nia-let”, Sekretáriu Estadu, Deometro Do Amaral Do Carvalho, ba jornalista sira iha Salaun INFORDEPE Ministeiru Edukasaun, Balide, Kinta (22/10).
Membru Governu konstitusionál da-ualu ne’e hatutan, brigada ba defesa ambiental sei kontrola ambiente hanesan sunu rai soe lixu arbiru no fó aktividade seluk seluk tan ne’ebe sei estraga ambiente.
“SEA sei halo ligasaun ho ministeiru sira iha serbisu ambiente hanesan ministeiru agrikultura no peska(MAP) ne’ebe tau matan ba floresta ambiente tasi no sei serbisu ho bumbeiru atu fo formasaun ba juventude hodi participa diak liu iha dezastre natural ruma hanesan rai nakdoko tsunami insendio bo’ot atu volintario sir abele halo intervensaun ruma”, informa Governante ne’e
“Dadaun ne’e bainhira dezastre mosu hanesan Estrada kotu iha ema balu ba hare lakoi ajuda ba foto fali,ida nee sosiadade ne’ebe maka nia karakter la dun diak tamba nee ita hakarak joven iha responsabilidade participa halo koperasaun no solidariadade tenki metin” akresenta Nia
Nia dehan, durante ne’e ema kria organizasaun no movimentu barak maibe to’o ikus la iha aktividade to’o lakon.
“Liu husi estabelesimentu brigade ambiente nee ita bele hamutuk ho instutisaun bombeiru no floresta hodi fo intervensaun kuda ai no hodi rezilensia ba kontra insendio sira”, realsa Nia
Nia esplika, Brigade nia serbisu la ba troka pesoal instutusaun sira nia kna’ar maibe serbisu voluntario ajuda halo intervensaun ba problema ambiental
“Hanesan japaun no nasaun Europa sira iha ekipa brigade voluntario sira ne’ebe iha kapasidade bele kontribui ba dezastre sira no mentalidade ne’ebe forti entaun hanesan japaun molok estruturadu sira halo intervensaun ba dezastre voluntario tenki iha uluk kampo” tenik Nia
Formasaun ne’e organiza husi SEA no brigadista mak partisipa formasaun hamutuk 300 husi estudante universitáriu, organizasaun movimentu liña Ministerial seluk.
Ekipa formadora husi secretaria estadu deometro director ezekutivu permatil ego lemos director geral floresta no representante husi protensaun sivíl. Emj16
