Lere Husu Parpol Tuur Hamutuk Hakotu Impase Polítika

Fahe Tutan

Naunil Media (Díli), Xefe Estadu Maiór Jenerál Falintil Força Defeza De Timor Leste (F-FDTL), Maijór Jenerál Lere Anan Timur husu partidu politiku sira atu tuur hamutuk hodi hakotu impase polítika rai-laran.

Xefe Estadu Maiór Jenerál Falintil Força Defeza De Timor Leste (F-FDTL), Maijór Jenerál Lere Anan Timur, ba jornalista sira  hafoin sorumutuk semanal ho Prezidente Repúblika (PR), Fransico Guterres ‘Lú Olo’ iha Palásiu Presidensial, Bairru Pité, Kuarta (06/05).

“Hau husu ba lideransa partidariu,  líder póltiku sira tenke iha resposabilidade hodi  hola parte ba iha solusiona impase polítika iha rai-laran”, hateten Jenerál Lere Anan Timur.

Eis gerileiru no komandante rejiaun I Ponta Leste, Lere Anan Timur, hatutan atu solusiona impase polítika iha rai laran presiza ema hotu-hotu nia responsabilidade liu-liu líder partidu polítiku no mos líder partidu sira, inklui lideransa rezistensia hanesan Xanana Gusmão atual Prezidenti Partidu CNRT,  PR ‘Lú Olo’ no  Taur Matan Ruak atual Primeiru Ministru tenke iha konsiensia hodi hola parte ba iha solusaun inserteza, la’ós sai fali elementu ba iha problema.

“Hau la’ós polítiku, maibé hau apela ba líder sira atu toma konsiensia no responsabilidade, hodi hola parte ba solusaun probema, la’ós sai fali elemntu ba problema”, dehan Lere.

Iha situasan inserteza polítika ne’e Lere husu ba oportunista sira atu labele aproveita oportunidade hodi hadau malu kadeira.

“Ha’u husu ba oportunista sira atu labele aproveita oportunidade tanba nasaun Timor Leste Hari’i liuhosi ruin no raan. Iha balun mak aproveita situasaun hodi aproveita oportunidade hodi hadau malu kadeira, maibé nia husu atu kuidadau tanba nasaun Timor-Leste hari’i hosi ruin ho raan”, apela Nia.

Situasaun impase politika hahú akontese iha tinan 2018 liu ba  to’o agora la iha solusaun hodi prezudika Dezenvolvimentu Ekonómia  iha rai-laran hodi fó impaktu maka’as ba povu no nasaun nia moris. Dms

Leave a Reply

Your email address will not be published.