COVID-19: CIGC Re-Integra Tan Abitante 80 Ba Família

Fahe Tutan

Naunil Media (Díli), Kuarta (06/05) ne’e,  Sentru Integradu Jestaun Krize (CIGC-Sigla Português) Timor oan nain 80 hosi kuarentena fatin tolu, Otél Novo Horizonte, Otél Luxury no Otél Leocase ne’ebé rekomfinamentu ona ba sira nian família, tamba kompri konfinamentu obrigatóriu durante loron 14.

“Ita bot sira ne’ebe iha Novo  Orizonte ne’e tama iha dia 8 Karantina no nia prosseu normal karik imi sai iha 23 Abril, maibe iha situasaun seluk ita hasoru dada tempu to’o ohin loron. Hau hanoin katak loron karantina remata ohin ba imi 78 ho maluk nain rua seluk hamutuk 80 maibe COVID-19 iha Timor seidauk remata”, hateten Diretur Unidade Apoiu Juridiku Kontajioza Ministériu Saúde, Belarmino da Silva Perreira, iha serimonia re-integra abitante nain 80 iha areadór Otél Novo Orizonte Meti-Aut.

Belarmino husu ba abitante sira fila ba ida-idak nia hela fatin tenke aplika nafatin regra sira ne’ebe mak hetan iha kuarentena, kontinua halo tuir no hanorin mos vijiñu sira hodi bele banati tuir.

Koredenadór Sentru Integradu Jestaun Krize, Aurelio Guterres, hateten durante iha fulan ida tomak Timor-Leste  konsege halo servisu kontein para prevene moras COVID-19 ne’e.

“Agora ita bo’ot sira kompleta ona loron 14, maibe hosi ekipa saúde no ita nia autoridade sira sei akonpania nafatin imi para presiza kontribui ba prosseu ida ne’e . Dezafius bo’ot ida agora iha fulan Maiu nia laran ou depois de fualan Maiu bainhira estadu Timor-Leste termina estadu emerjénsia, ita sei hasoru fase foun ida que ema tama sai. Ita nia dezafius bo’ot maibe ba nain hira ne’ebé iha esperiensia ne’e kontinua kontribui liu-liu iha ita nia família rasik”, tenik Aurelio.

Abitante nain 80 ne’ebé kompleta ona loron 14 no balun liu to’o loron 28 nee, kompostu hosi mane 55 feto 25. Hosi Otél Novo Horizonte hamutuk 78, mane 53 feto 25 no Otél Luxury mane 1 feto laiha, Otél Leocase mane 1 feto laiha.

Hosi nain 80, ne’e nain 11 ba munisipiu, hanesan Aileu, Ainaru, Baucau, Bobonaru, Covalima, Ermera, Lautem, Manatuto, Manufahi, Viqueque no nain 79 iha Díli. Uar

Leave a Reply

Your email address will not be published.