CIGC Planeia Transforma Kuarentena Tibar no Tasi-Tolu Sai Fatin Izolamentu
Naunil Media (Díli), Kordenadór Destakamentu Reasaun Rapida Sentru Integradu Jestaun Krize (CIGC-Sigla Português), Aurelio Guterres, hateten governu liuhosi CIGC planeia transforma kuarentena Tasi-Tolu no Tibar sai fatin izolamentu ba kazu Surtu COVID-19 iha Timor-Leste.
“Tibar ho Tasi-Tolu agora daudaun ita transforma sai fatin izolamentu. Ita tama iha segundu period, ita hotu konsentra ba iha izolamentu la’os kuarentena ona, tanba fasilidade sira sei trasforma ba iha izolamentu nian”, informa Kordenadór Destakamentu Reasaun Rapida CIGC, Aurelio Guterres, hafoin enkontru ho ekipa task force trata asuntu dezenvolvimentu fasilidade infraestrutura iha Centro de Convenções de Díli (CCD), Kinta (07/05).
Kordenadór ne’e esplika, ekipa servisu oras ne’e hadia daudaun haris fatin, iha fatin izolamentu Vera Cruz, Kuarentena Tasi-Tolu, Tibar, Maliana no Covalima.
“Fasilidade izolamentu hoi Vera Cruz nafatin izolamentu, maibé haree liu-ba kazu grave. Tasi-Tolu haree liu-ba kazu lijeiru, tanba fatin ne’e ami prepara 400 to’o 500”.Dehan Nia. Ana
