Governu Husu PR Lú Olo Estende Estadu Emerjénisa
Naunil Midia (Díli), Segunda (20/04) ne’e, liuhosi reuniaun Konsellu Ministru estraordináriu, governu konstitusionál da-ualu lideradu Primeiru Ministru Taur Matan Ruak desidi husu ba Presidente Repúblika Francisco Guterres ‘Lú Olo kona-ba estensaun ba period estadu emerjénsia, ne’ebe mak sei termina iha loron 26 fulan Abríl tinan ne’e.
Nesesidade husi estensaun estadu emerjénsia ida ne’e bazeia ba evolusaun ba situasaun epidemiolojika no proliferasaun hosi kazu ne’ebe rejistadu ba kontajiu COVID-19 iha territóriu nasionál ho eskala global, no ejije manutensaun ba aplikasaun hosi medida extraordinária sira no ho karater urjente atu hodi bele trava pandemia”, relata nota ofisiál ne’ebe Naunil Media asesu hafoin reuniuan Konsellu Ministru estraordináriu iha Salaun Ministériu Finansas Ai-Tarak Laran.
Ihaloron 27 fulan Marsu Prezidente Repúblika Francisco Guterres ‘Lú Olo’ deklara estadu emerjénsia hafoin Parlamentu Nasionál a-favór ho unanimidade hodi fó autorizasaun ba xefe estadu dekreta, nune’e bele haalo distansia sosiál núdar meiu ida halo prevensaun ba COVID-19 iha Timor-Leste.
Estadu emerjénsia entre ein vigór iha loron 28 fulan Marsu tinan ne’e, hahu oras 00:00 to’o 26 fulan Abríl oras 23:59 remata. Mcr
