CIGC Evakua Inan Gravida Ida Ba Fatin Izolamentu HNGV
Naunil Media (Díli), Porta voz Sentru Integradu Jestaun Krize (CIGC-Sigla Português), dr. Rui Maria de Araújo, informa CIGC evakua tan inan ho kondisaun gravida (isin rua) nain ida hosi fatin kuarentena ba fatin izolamentu iha Hospitál Nacionál Guido Valadares (HNGV), tanba hatudu sintomas COVID-19.
Porta voz Sentru Integradu Jestaun Krize (CIGC-Sigla Português), dr. Rui Maria de Araújo, ba jornalista sira Sala Situasaun, Centro Convenções de Díli (CCD), Segunda (20/04).
Dr. Rui Maria de Araújo, hateten parte CIGC la halo klarifikasaun kona-ba inan isin rua ne’e nia istória viajen no hosi fatin kuarentena ne’ebé, maibé nia dadaun ne’e médiku sira asegura suspeitu pozitivu COVID-19 inan grávida ne’e ona ho diak.
“Senhora ida gravida isin rua semana 37 ka fulan ualu, ekipa médiku iha fatin kuarentena tenke muda nia ba fatin izoladu iha Hospitál Nacional Guido Valadares (HNGV), tanba nia hatudu sintomas relasiona ho ninia isin rua”, informa dr. Rui Araújo.
Nia dehan, dadaun ne’e dr. espesialista sira akompaña hela inan isin rua ne’e no nia kondisaun estavel, maibe sei halo mos ezame laboratóriu. Ana
