Sidadaun Portugués Ida Iha Liquiçá Pozitivu COVID-19

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, informa sidadaun Portugués ida iha munisípiu Liquiçá konfirmadu kazu pozitivu COVID-19.  

Portavoz Sentru Integradu Jestaun Krize, dr. Rui Maria de Araújo, ba jornalista sira liuhosi konferensia imprensa iha Centro de Convenções de Díli (CCD), Segunda (20/04).

“Sub-grupu TL to’o oras ne’e lahetan sintomas ruma, maibé tanba sira tama iha kritériu kontaktu besik ho sub-grupu P, entaun sira submete ba ezame laboratóriu no rejultadu ikus konfirmasaun hosi Hospital Royal Darwin hatudu nain ida pozitivu ho karga viral ne’ebé kiik-oan, no na’in ida indeterminadu”, informa dr. Rui.

Porta voz ne’e haktuir, Sub-Grupu P ne’ebé dadaun ne’e iha Portugal hatudu nia sintomas, durante iha nia viajen fila ba Portugal iha loron 4 fulan Abríl hafoin halo ezame laboratóriu iha loron 6 fulan Abríl no hetan rezultadu pozitivu iha ne’eba (Portugal).  

Enkuantu Professór sira ne’ebé hela ho grupu P, rezultadu laboratóriu hatudu negativu no motorista ida ne’ebé durante ne’e tula sira ba mai mós hatudu rezultadu negativu.

“Hahú hosi Estadu Emerjénsia mai to’o agora professór sira iha Liqiçá, ne’e ida-idak hela iha nia uma.  Signifika sira kontinua tuir regras OMS nian halo distansiamentu sosiál no ida-idak mantein hijiene”. Dehan dr. Rui Araújo. Ana

Leave a Reply

Your email address will not be published.