Durante Fulan Jullu PNTL Rejista Ema Nain Sia Mate Kauza Asidente Trafiku

Fahe Tutan

Naunil Media (Díli), Komandante Jerál Polísia Nasionál Timor-Leste (PNTL), Komisáriu Faustino da Costa, informa durante fulan Jullu tinan 2020 ne’e PNTL rejista kazu asidente hamutuk 130, husi kazu  hirak  ne’e nain (9) mak mate.

“Kazu asidente ho númeru 130, husi kazu hirak ne’e nain 9 mak mate no kazu ikus liu mak kareta grand max soke mate labarik ida iha Same”, Komandante Jerál PNTL, Komisáriu Faustino da Costa, ba jornalista sira hafoin sorumutuk hodi relata aktividade durante fulan Jullu nian ba Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairo Pité, Kinta (06/08).

Tuir Komandante Jerál PNTL, Komisáriu Faustino da Costa, asidente hirak ne’e akontese tanba maioria motorista sira seidauk iha kuiñesementu ba iha sinaias tranzitu inklui la iha formasaun propriu .

“Maske iha ona lei kodigu estrada 2003, maibé lei ne’e rasik durante ne’e la implementa no ikus mai iha tan lei kodigu 2020, husi lei ne’e rasik sei hamosu konfuzaun”. Komandante Jerál PNTL, Komisáriu Faustino da Costa. Dms

Leave a Reply

Your email address will not be published.