Estudante Francisco Husu Reitor UNTL Hadi’ak Sistema Rejistu Propinas
Naunil Media (Díli), Estudante Universidade Nasional Timor Lorosa’e (UNTL) Francisco De Jesus Sousa, husu atual reitór UNTL João Martins atu hadi’ak sistema selu propinas, tanba lakumpri regra sira prevensaun covid-19.
Estudante Universidade Nasional Timor Lorosa’e (UNTL) Francisco de Jesus Sousa ba Naunil Media iha Universidade UNTL, Kaikoli, segunda, (22/02).
Tuir Francisco atendimentu husi UNTL ba prosesu administrasaun ne’e la iha mundansa bazeia ba regulamentu ne’ebé mak estabelese.
“Ha’u-nia perspetiva husu reitór foun ne’ebé agora nian ne’e hanoin didi’ak no tetu didi’ak hodi muda tiha sistema atendimentu kada tinan prosesu atendimentu ne’e falla hela de’it. Registu nian muda tiha sistema falla tebe-tebes regulamentu ne’ebé mak husi World Health Organizatin (WHO-sigla englés) tenki iha distánsia sosial tanba agora dadaun ita iha hela Pandemia Covid-19 bele fó impaktu virus”, dehan Francisco.
Estdante UNTL ne’e hatutan, estudante UNTL rejistu barak kuaze semana ona, maibé rejistu propinas seidauk remata banku loke tuku 09:00 dader, taka iha tuku 03:00 lokraik ne’ebé defisil ba estudante sira atu rejistu.
“Hau-nia Mensajem rejistu estudante sira tenki fahe keta-ketak se bele ba iha fakuldade instala banku ida kada fakuldade, atu nune’e hafasil rejistu ida ne’e, nune’e ita hetan efikasia servisu nian”. tenik Francisco. Emj8