FEATUREDIkus LiuNewsSeguransa

VMI Akompaña KOMJER Aktualiza Situasaun Kampaña ba PM

Fahe Tutan

Naunil Media (Díli), Vise Ministru Interior António Armindo akompaña Komandante Jerál Polísia Nasionál Timor-Leste (PNTL),  Komisáriu Faustino da Costa,  aktualiza situasaun kampaña eleisaun prezidensiál ne’ebé la’o durante loron rua ba Xefí governu.

Vise Ministru Interior António Armindo hato’o lia hirak ne’e ba jornalista sira hafoin   aktualiza situasaun kampaña ba Primeiru Ministru (PM) Taur Matan Ruak,  iha Rezidensia ofisiál PM Farol, Sexta  (04/03).

“Ohin audensia ho Primeiru Ministru no agenda ne’ebé mai husi Xefí Governu hanesan Ministru Interior bolu ha’u hanesan Vsce Ministru Interior no mós Komandante Jerál Polísia Nasionál Timor-Leste PNTL no Segundu Komandante PNTL,  para mai aktualiza situasaun durante kampaña Prezidensiál durante loron rua ne’e mak ohin mai aprezenta ba PM hanesan mós Ministru Interior”,  dehan VMI António Armindo.

VMI hatutan,  Iha enkontru ne’e Primeiru Ministru hanesan mós Ministru Interior fó mós orientasaun ba Komandu atu fó hanoin ba membru PNTL sira hotu kona-ba disiplina respeita hirarkia superior, respeita komandante sira, se nia ajente karik nia tenke respeita nia ajente Xefí, Ofisiais, Superior mai to’o iha membru governu ne’ebé lidera instituisaun ne’e.

António Armindo hateten,  Naturalmente situasaun iha territóriu nasionál la’o di’ak tanba kada loron Polísia Nasionál Timor-Leste nafatin aprezenta relatoriu ba Vise Ministru Interior no mós ba Primeiru Ministru hanesan Ministru Interior.

“Situasaun jerál iha territóriu nasionál la’o normál ita nia komandu nia sistema ida ne’ebé lor-loron sira nafatin halo Sitrep no mós lor-loron sira aprezenta relatoriu mai ha’u,  hanesan mós ba Primeiru Ministru nu’udar Ministru Interior, naturalmente iha Timor laran tomak hahú loron primeiru kampaña no segundu kampaña buat hotu la’o di’ak laiha insedente kiik ida,” katak António Armindo

Iha de’it insidente kiik oan ida ne’ebé mak involve sidadaun defisensia mental ne’e mak halo azneras iha kampaña loron primeira iha Ainaro maibé depois ida ne’e parte Seguransa atua no lori ba komandu halo identifikasaun maibé fora husi ida ne’e hotu-hotu normál to’o agora, dehan nia.

Sira mós hetan orientasaun husi Primeiru Ministru hanesan mós Ministru Interior para atu kontinua servicu tau matan ba seguransa liu-liu ba kampaña eleisaun prezidensiál ninian, nia hakotu. *Jos

Leave a Reply

Your email address will not be published. Required fields are marked *