Loron Konsulta Populár Ba Dala 23, Refleta Istória TL Ba Ukun Rasik-Aan
Loron Konsulta Populár Ba Dala 23, Refleta Istória TL Ba Ukun Rasik-Aan
Naunil Media (Díli), Dosente Universidade Nasionál Timor Lorosa’e (UNTL), Victor Soares, Haktuir Loron tolunulu (30) fulan Agustu tinan rihun ida- atusia, sianulu-resin sia (1999) mai iha tinan 2022 ba idade ruanulu-resin-tolu (23), nudar momentum ne’ebé atu lembra istória konsulta Pupular nasaun Timor-Leste nian, ba ukun rasik aan.
“Iha tinan ba konsulta popular timoroan sira ne’ebé durante iha tinan 1999, mai iha tinan 2022, sente orguillu, tanba ita bele hola ita nia mehi ida hanaran ukun rasik aan,”Dehan Dosente UNTL, Victor Soares iha Jardim 5 de Maio Dili, Tersa (30/08).
Nai hatutan, Loron ohin nudar loron determinasaun ba ukun rasik aan, tanba ne’e loron 30 fulan Agustu 2022, sai espasu ida ne’ebé brilante ba timoroan hotu,
“Hanesan sidadaun ida loron 30 fulan Agustu atu ida-idak bele halo reflesaun ba aan rasik, durante saida mak ita halo hodi kontribui ba nasaun, tan ohin loron ita bele atinje ita nia mehi ba ukun rasik aan”, katak Victor.
Nia dehan, Prosesu ba ukun rasik an hakat ona, agora htu-htu hamutuk luta kontra kiak no mukit lori Timor-Leste ba Dezenvolvimentu.
Iha fatin hanesan Vendedór iha Jardin 5 de Maio, Fransico Maia de Jesus, Orgulhu ba komemorasaun loron konsulta populár ba dala 23,tan hetan rendementu ne’ebé mak di’ak.
“Ami hanesan ema fila liman sente kontente tan durante Loron 5 loke pameran iha ne’e ami nia sasan folin kompara ho loron baibain, loron babain ami hetan 15-40 USD no ho komemorasaun ne’e ami hetan to 60 USD”, Dehan Vendedór.
Nia hatutan, Komemorasaun loron konsulta popular ba dala 23 no Restarausaun Independensia ba dala 20, maibé haree ba dezenvolvimetu sei dauk di’ak no povu barak mak moris la ho dignu.
Nia parte husu ba lider Nasionál sira atu kria konsensu hodi foka liu ba dezenvolvimentu, kore povu husi mukit no kiak, dehan liberta pátria liverta povu, agora liberta ona patria, husu atu liberta tan povu husu mós ba joven sira atu kria paz hodi kontribui ba Dezenvolvimentu. Gyor
