FONGTIL Fó Solidaridade ba Povu Ucrania
Naunil Media (Díli), Forum Organizasaun Non Governamental (FONGTIL), kondena aktu agresivu militar husi forsa país Russia no liberdade povo Ucrania nian.
Tuit Diretór Exekutivu Interinu FONGTIL, Helio Dias da Silva, apela ba konsellu seguransa Nasões Unidas (NU), hodi hala’o intervensaun ba asaun militares hodi prevene povu soberania Ucrania.
“Husu ba konsellu seguransa dos nasões unidas no hodi hala’o intervensaun tantu asaun diplomatika no asaun militar, ka destaka forsa apoiu hodi prevene aktu agresivu militar ba povu soberania Ukranin”, dehan Diretór Exekutivu Interinu Helio Dias da Silva ba jornalista sira liu husi kominikadu imprensa iha salaun FONGTIL, Kinta (04/03).
Nai parte apela mós ba sosiedade sivil iha mundu tomak atu hahu kampaña ba liña militár entre nasaun Russia no Ucrania, labele mosu prezuiju no sofrementu grave entre povu nasaun Ucrania no Russia.
“Organizasaun sosiedade sivil Timor Leste, husu ba organizasaun iha mundu tomak para hahú kampaña ba liña militár entre país Rua (2) Russia no Ucrania, hodi nune’e labele konvida no prezuiju no sofremento grave ba povu Ucrania no povu Russia”, dehan nia.
Nia hatutan, Organizasaun sosiedade sivil garantia, entre estadu nasaun Russia no Ucrania sei fó oportunidade no boa vontade buka malun hodi habadak funu entre nasaun Russia no Ucrania.
Organizasaun sosiedade sivil fiar katak estadu Rusia no estadu Ucrania sei fó oportunidade no boa vontade, konvida malun tur hamutuk hodi koalia ho ulun malirin ho fuan bo’ot para habadak funu ne’ebé iha, Nia sujere.
Timor-Leste mós ratifika ona convensões internasional sira, ne’ebé iha obrigasaun estadu atu hato’o nia posisaun ba instituisaun, ho kontribuisaun estadu hodi apoiu ba dame liu husi forsa manutensaun páz nian hodi hakotu funu entre nasaun Russia no Ucrania, nia haktuir. *IPHI
