Timor Oan Israel Kontinua Ejije Governu Tula Fila Mai TL

Fahe Tutan

Naunil Media (Díli), Reprezentante Estudante Timor oan sira iha nasaun Israel, João Moniz Tavares, husu ba Governu atu fasilita sira (estudante) hodi tula fila mai Timor-Leste, tanba estudante nain ida mak afetadu husi moras COVID-19.

“Ami husu ba Governu bele esforsu lais atu lori ami fila ba Timór, tanba situasaun ne’ebé agora dadaun ne’e afeta hela iha nasaun Israel mak pandemia COVID-19 ne’ebé loron ba loron númeru sempre aumenta. Estadu  Timor-Leste lori ami fila lalais husi nasaun Israel”, Reprezentante estudante, João Moniz Tavares, ba Naunil Media via telefone, Domingu (20/09).

Reprezentante estudante sira Israel ne’e haktuir, sira halo ona esforsu liña kordenasaun no kontaktu ba Governu atu haruka aviaun hodi deportasaun maibe buat hotu sai paradu.

“Ami iha ona osan atu sosa ticketi, maibé aviaun la iha. Tan  ne’e ho esperansa bo’ot husu ba Governu atu tau atensaun ba ami nia preokupasaun”, tenik Nia.   

Estudante sira mak hala’o estudu iha nasaun Israel totál hamutuk nain 72, hetan oportunidade husi Governu liuhusi Ministériu Agrikultura no Peskas (MAP) aprende ho pratika ba area agrikultura. Ivo

Leave a Reply

Your email address will not be published.