PNTL-SEFOPE Servisu Hamutuk Fó Teste Kandidatu Vaga Servisu Austrália

Fahe Tutan

Naunil Media (Díli), Segundu Komandante Jerál Polísia Nasional Timor-Leste-PNTL, Komisáriu Mateus Fernandes, informa PNTL hetan konfiansa husi Governu liu husi Sekretaria Estadu Profesionál no Empregu-SEFOPE atu fó teste fíziku ba konkorente sira, ba vaga servisu iha Australia.

“Agradese ba SEFOPE, tanba fó ona konfiansa ba PNTL hodi halo teste fíziku ba komkorente sira ne’ebé atu ba servisu iha Australia”, Komisáriu Mateus Fernandes, informa liu husi diskursu serimónia kooperasaun ho SEFOPE, iha Sentru Formasaun Polísia, Komoro, Segunda (21/09). 

Segundu Komandante Jerál PNTL, Komisáriu Mateus Fernandes, esplika kriteiru teste fíziku sei estabele ba kandidatu traballadór Australia nian, sei hanesan aplika hanesan kandidatu PNTL foun. 

“Alin joven sira tenki enerjíku, tanba imi-nia família no maluk asiste, signifika hanesan motivasaun bo’ot”, tenik segundu komandante PNTL ne’e.

Nia apela, konkonrente sira mak pasa teste labele truka visa tuir hakarak de’it.

“Imi iha Australia tenki hadudu imi-nia identidade katak ha’u ema Timoroan dunik, labele hatudu fali ita-nia pontu fraku iha ema nian nasaun. Kuandu hatudu atitude di’ak Governu sei rekomenda ba  servisu”. dehan Mateus. Flo/ Emj5

Leave a Reply

Your email address will not be published.