Estadu Emerjénsia Da-IV, PR Lú Olo : Aktividade La’o Hanesan Baibain

Fahe Tutan

Naunil Media (Díli), Kinta (06/08), liu husi Konferensia Imprensa, Prezidente Republika Fransisco Guterres ‘Lu Olo’, hateten kona-ba Estensaun Estadu Emerjénisa da-haat (IV) ne’e sei fó livre ba atividade hotu-hotu.

“Durante períodu estadu emerjénsia ida nee, atividade ekonómika, sosiál, kulturál, eskolár, servisu, vizita família ka atividade seluk la’o hanesan baibain”, Prezidente Republika (PR), Francisco Guterres ‘Lú Olo’, ba jornalista sira iha Palásiu Prezidensiál Nicolao Lobato, Bairu Pité.  

Maske atividade hotu La taka maibe Xefe Estadu Timor-Leste, Lú Olo husu atu ema hotu-hotu proteje-an nafatin, kumpri medida tolu importante tebes : fase liman beibeik, uza máskara no halo distansiamentu sosiál.

Kona-ba sirkulasaun internasional, Aman Nasaun ne’e husu ba autoridade relevante sira atu tau atensaun espesiál ba pontus entrada.

“Fatin ema tama husi rai-li’ur hanesan fronteira-rai, aeroportu no fatin Ró sira tama, atu ita la husik koronavírus tama tan iha ita-nia rain”, apela Eis gerileiru rezistensia atual Xefe Estadu TL, Lú Olo.

“Timoroan ka sidadaun estranjeiru neebé iha autorizasaun atu tama iha Timor-Leste, tenke submete hotu ba izolamentu obrigatóriu, katak sei moris ketak iha fatin ida, durante loron sanulu resin haat”, dehan ema númeru um iha RDTL ne’e.  

Ikus-li, Prezidente mos husu ba populasaun hela iha fronteira no iha tasi-ibun atu matan moris liután, hodi labele husik ema tama arbiru iha ita-nia rain, liuhusi dalan ilegal. Dms

Leave a Reply

Your email address will not be published.