Kareta Tengki Menus, Claudio: Difikulta Bombeirus Fornese Bee moos Ba Komunidade

Naunil Media (Díli),  Diretór Nasionál  Bombeirus nasionál Timor-Leste,  Claudio  Da silva   informa, ekipa bombeirus  nasionál menus tranporte hodi fornese bé mos ba komunidade afetadu  inundasaun    tanba maioria komunidade ho volume ne’ebe  bo’ot tanba ne’e  susar atu  fornse bee ba komunidade  sira  iha Díli  kada loron.

Diretor Diresaun  Nasional Bombeirus timor leste  Claudio da silva esplika hafoin inundasaun ne’ebe akonteses iha loron 4 fulan abril tinan liu ba kuaze estraga total imfrastrutura bé mos kuaze 50 to’o  70 % tanba ne’e  bombeirus  timor leste  sei fornese bé mos ba komunidade  sira iha kapital Díli.

“Hau hakarak  imforma ba publiku katak hafoin  inundasaun akontese iha loron 4 fulan abril tinan ne’e kuaze imfrastrutura bé iha kapital Díli kebra ou at kuaze 50 to’o  70% portantu komunidade iha Díli  sofre ba bé mos  tanba ne’e  mak ami husi bombeirus nafatin fornese ba sira em jeral Díli  laran no servisu iha hamutuk  ho Bé timor leste hodi fasilita bé ba komunidade siraa iha Díli”. Informa  DNBTL Claudio da Silva ba jornalista sira, iha Kaikoli, kuarta (14/04).

Diretor ne’e  hatutan, maske bombeirus iha nasional Díli  iha kareta rua deit maibé sei servisu  ho ekipa sira husi munisípiu hodi bele reforsa servisu  fornesementu  bé mos ba komunidade sira.

“ami iha viaturas iha fornesementu nasional  iha Díli  ne’e iha kareta rua ida ho bé 10mil litrus no ida seluk 5mil litrus maibe ami husu reforsa tan husi munisipíu tolu ho kareta tanki tolu tan ho nune’e  hamutuk 15mil litrus”. Nia deklara.

Ho apoiu servisu  ekipa bombeirus  husi munisipiu tolu ekipa bombeirus nasional iha Díli  kada loron fornese bé ba komunidade  afetadu inundasaun  por volta 50 to’o  60 mil litrus.

Claudio esplika, komunidade ne’ebe  lokaliza iha area danau  tasi lolu dadaun ne’e  ekipa operasaun intervensaun servisu  hamutuk ho forsa defesa timor leste  hodi bele apoiu servisu  ne’ebe  nune’e  apoiu ba komunidade ne’ebe  afetadu  husi inundasaun.

“iha parte Danau tasi tolu iha ekipa operasaun intervensaun mak responsabel iha area ne’eba husi lorn inundasaun to’o  ohin loron nafatin destaka  iha fatin refere hodi Apoiu ba komunidade sira iha lagoa tasi tolu tanba uma hetan estragas depois sira labele sai entaun  ami servisu hamutuk ho Forsa defesa timor leste parte kompetente sira hodi responde ba situasaun ne’e”, nia  esplika.

Direktor  ne’e  haktuir  tan,  ho situasaun hanesan ekipa bombeirus timor leste  menus tebes kareta tanki bé mos hodi bele forneses bé ba komunidade  sira tanba ho rajaun maioria komunidade  Díli  afetadu ho nune’e  kada loron ekipa bombeirus  labele akumula fatin hotu hodi fornese bé mos.

“kuandu iha situasaun grave hanesan ita nia kareta sira la to’o  nafatin ho rajaun katak ita nia komunidade iha Díli  laran ne’e sofre. Entaun ami labele konsege halo atendementu  hotu ba sira iha loron  ida ita presija  tempo tanba tanki bee moos ba ami la sufiente”. Tenik nia. Leo