Horta Apresia Veteranu Sira Husi Manufahi Inisiativa Harii Eskola ESTV
Naunil Media (Manufahi), Laureadu Novel da Paz, José Manuel Ramos Horta, apresia veteranus husi munisípiu Manufahi ne’ebé inisiativa rasik loke Eskola Tekniku Vokasional Kombatente Veteranu Manufahi (ESTV-KOVEM) hodi fasilita estudante sira asesu ba edukasaun.
Eis-Prezidente Repúblika (PR) no lídera rejistensia nasionál, José Manuel Ramos Horta, ba jornalista sira hafoin hala’o vizita iha eskola ESTV-KOVEM, iha postu adiministrstivu Same, Munisípiu Manufahi, Sesta (04/09).
“Ha’u fó parabéns ba veteranu sira Manufahi, ho hanoin ne’ebé di’ak hodi harii ona eskola atu fasilita ita-nia estudante sira liu hosi seitór edukasaun, tanba edukasaun hanesan dalan importante no sai hanesan save ba dezenvolvementu”, dehan Horta.
Líder nasionál no fundadór Estadu Timor-Leste, Horta agradese mós ba professor sira maske hanorin ho voluntáriu, maibé ho hanoin di’ak hodi fahe materia ba estudante sira.
“Deputadu/a iha Díli sira nia servisu mak konta sai ba rai liur no tama mai rain laran hodi manan ho osan sinku mill resin. Maibé, kuitadu professor sira hanorin voluntáriu osan la iha, maibé sira iha vontade hodi kontribui nafatin”, Nia hato’o.
Nia akresenta ohin loron krize ekonómia mundial ne’ebé akontese iha rain laran no Governu nafatin esfosu maka’as liu-tan, hodi tau orsamentu ba seitór edukasaun tanba edukasaun importante.
Eskola ESTV-KOVEM establese iha tinan 2015, hahú prosesu apredizajen iha tinan 2016, professores hamutuk nain 23 no estudante hamutuk nain 203. Nfm
