MNEK Hasoru Timor Oan Balu Iha Rai Liur ‘Ho Kondisaun Triste’

Naunil Media (Díli), Ministra Negósius Estranjeirus no Koperasaun, Adaljiza Albertina Xavier Reis Magno, hasoru malu ho Timoroan balu iha Rai liur ho kondisaun triste teb-tebes.

“Ha’u hasoru malu ho ita nia Timoroan balu serbisu iha ne’eba ho kondisaun triste teb-tebes, ne’ebé Embaixada tenta atu ajuda Timoroan sira ne’ebé mak ba, tanba saida mak sira iha situasaun difisil, tanba sira laiha kontratu ida ne’ebé mak iha, antes atu ba, maibé sira ba de’it”, nia dehan hafoin fila husi rai li’ur, iha salaun VIP, Aeroportu Internasionál Prezidente Nikolau Lobato, Komoro, Sabadu (09/07).

Nia hatutan, entaun sira ba iha ne’eba, ema foti sira ba iha Fatin ne’ebé mak la’os Sira aseita rasik dezde sei iha ne’e, entaun sira la iha kontratu ida ne’ebé mak garantidu, nune’e mós sira Osan ne’ebé mak uitoan.

“Ha’u nia apelu ba alin sira ne’ebé mak hakarak serbisu iha Europa, imi bele ba, maibé ba kuandu imi garantidu ona imi nia dokumentu sira, hanesan sei imi hakarak hela kleur, mak transporte Portugues, sei imi hakarak lalais, entaun ne’e imi garantidu imi nia kontratu, ho kompañia sira ne’ebé mak seidauk serbisu, sei lae ema la fó osan imi, nune’e imi serbisu de’it hanesan ne’e,” nia Informa.

Nia haktuir, ne’ebé ba alin sira, ema ida la bele bandu imi la’o, maibé kuandu la’o tenke dokumentu iha liman ona mak foin ba, no Governu tenke operadu mós para iha mós akordu bilateral, maibé buat hotu-hotu tuir prosesu.

“Agora ho Portugal mós sei iha prosesu laran no sei leba tempu, entaun alin sira kuandu hakarak ba serbisu imi tenke garante katak, imi hetan ona serbisu mak foin ba. No mós Governu husu ba alin sira ne’ebé mak hakarak serbisu iha Rai liur imi bele ba hanesan sira uluk ne’ebé mak ba ne’e, maibé tenke garante,  mak lori imi ona ba ne’e, bele kontratu imi serbisu, iha ona Uma atu hela mak ba, sei imi ba de’it to’o la hetan serbisu to’o imi nia osan hotu, no la hetan tan salariu,” nia hakotu. LTS