MS Konsidera Ezistensia Kompañia HWI Ilegal
Naunil Media (Díli), Diresaun Nasionál Farmasia-Ministériu Saúde (MS), liu husi Xefe Departamentu Manajementu Autorizasaun Merkadoria, Teodoru Marçal de Jesus, hateten kompañia HWI ne’ebé durante ne’e fa’an aimoruk herbal iha teritóriu nasionál, MS konsidera aktividade negósiu refere illegal.
“Ba kompañia importador sira mak harakarak hatama aimoruk herbal mai Timor-Leste presija regista iha Diresaun Farmasia e Medikametus Ministériu Saúde, hafoin bele fa’an tanba kompañia HWI antes ne’e hetan ona legalidade husi MS maibe produtu seidauk rejista”, Xefe Departamentu Manajementu Autorizasaun Merkadoria, Teodoru Marcal de Jesus, ba jornalista Jornalista sira iha Kaicoli, Kinta (26/05).
Nia hateten, MS liu husi Diresaun Nasionál Farmasia no Departamentu Manajementu Autorizasaun Merkadoria preokupa produtu herbal ne’ebe kontinua fa’an iha merkadu hodi fo risku ba sidadaun nia vida, tanba sei esforsu hodi halo akordu ho alfandega atu utilija sistema janela unika, nune’e kontorla no evita aimoruk illegal.
“Ministeriu Saúde koordena ho Alfandega hodi halo kontrolu ne’ebe riguroju ba kompañia importdor sira nia produtu mai Timor-Leste, tuir sistema ne’ebe estabelese”, tenik Xefe Departamentu ne’e.
Teodoru Marcal de Jesus, relata Diresaun Nasional Farmasia Medikamentu iha Ministériu Saúde regista ona kompañia hat (4) mak hetan legalijasaun hodi fa’an sira nia produto ka medikamentu, enkuantu kompañia barak seidauk registu.
“Apela ba emprejariu sira atu rejista hodi hetan legalidade, nune’e bele asegura kualidade produtu no hamenus risku ba saúde publiku”. Hakotu nia. Mj1