PM Taur: TL Tenke Fó Importánsia Ba Produtu Lokal
Naunil Media (Díli), Primeiru Ministru (PM) Taur Matan Ruak hateten, Timor-Leste (TL) tenke fó fali valor importánsia ba ba produtu lokal, tanba hein de’it baut sira ne’ebé mai husi liur la preokupa buat ne’ebé iha rai laran dala ruma aban bain rua ema sei mate hamlaha.
Xefí Governu Taur Matan Ruak hato’o lia hirak ne’e ba jornalista sira hafoin enkontru semanal ho Prezidente Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, kinta (28/05).
“Ita preparadu loos, prinsipiu ida ke ha’u hanoin ita tenke fó importánsia mak tau matan ba ita nia produtu lokal, tanba ita hein de’it buat ne’ebé mai husi li’ur, ita la preokupa buat ne’ebé iha rai laran dala ruma, ita aban bain rua kuandu la mai ne’e ita mate hamlaha, entaun ita fila fali ba ita aifarina, ita nia hudi, talas, batar ita tenke komesa han fali ida ne’e”, dehan Xefí governu Taur Matan Ruak.
Xefí Guvernu ne’e hatutan iha enkontru semanal ho PR ne’e ko’alia assuntu rua maibé Prezidente Repúblika preokupa liuliu kona-ba produtu sira ne’ebé presu aumenta iha rai laran liuliu kona-ba presu hahán.
“Ohin enkontru semanal ho Prezidente Repúblika ko’alia assuntu rua ida mak preokupasaun kona-ba aumentu de presus ba produtu sira iha ita nia rai laran inklui liuliu hahán ke Prezidente Repúblika preokupa loos, no ida seluk mak preparativus ba serimónia tomada de posse ba Prezidente eleitu rua ne’e de’it,” katak Xefí Guvernu. *Jos
