Proposta OJE Retifikativu 2022 ho Montante Billiaun $1.129.857.250
Naunil Media (Díli), Ministru Finansas (MF),Rui Gomes hateten, Proposta Orsamentu Jerál Estadu (OJE) Retifikativu 2022 ho montante totál $1.129.857.250, Proposta Orsamentu Retifikativu ne’e, aprezenta ba Parlamentu Nasionál ho karakter urjénsia.
Despesas tuir klasifikasaun ekonómiku ho Proposta Orsamentu Retifikativu ne’e siginifika Reseitas Konsolidada Setór Públiku Administrativu sa’e ba $3.234.522.481, enkuantu Despesas Konsolidada Setór Públiku Administrativu sa’e ba $3.233.908.681. Reseitas husi Órgaun Servisus Administrasaun Sentrál sa’e ba $2.987.140.197,”dehan Ministru Finansas,iha resisto Parlamento Nasional,tersa,(27/04).
Nia afirma,despesas Órgaun Servisus Administrasaun Sentrál sa’e ba $2.987.140.197, ne’ebé fahe tuir kategoria klasifikasaun ekonómiku hanesan tuir-mai ne’e,Transférensia Públika ho montante $1.837.634.189.
Tanba ne’e, Bens no Servisus ho montante $466.877.382 Kapitál Dezenvolvimentu $390.177.399 ho Saláriu no Vensimentu $250.537.130 no Kapitál Menór $41.914.097.
Alokasaun orsamentu tuir medidas komplementár 13,ho Proposta Orsamentu Retifikativu ho montante billiaun $1,1 ne’e sei uza hodi finansia medidas komplementár hamutuk sanulu-resin-tolu ho nia detalla hanesan tuir-mai ne’e.
Kriasaun Fundu Veteranu ho orsamentu alokadu billiaun $1, atribuisaun Pagamentu Decimo Terceiro $200 ba kada família (exeptu funsionáriu públiku sira) ho orsamentu alokadu millaun $70.
Uma Kbiit Laek Plus ho orsamentu alokadu millaun $25 Bolsa Estudu ba Mellór Graduadu Estudante Ensinu Báziku no Sekundáriu ho orsamentu alokadu millaun $7,5 Programa Mão de Obra ba Postu Administrativu, millaun $7,2.
Nia dehan,Revitaliza kafé no subsídiu ba kafé Laku-teen ho orsamentu alokadu millaun $6,4 ho Pagamentu ba diferensa remunerasaun PNTL nian ho rejime salariál foun, ba membru PNTL 4.096 ho orsamentu alokadu millaun $5,1.
Harii Sede Arte Marsiál no Rituál millaun $2,5 ho Programa Eskola iha Uma ho orsamentu alokadu millaun $2,1, Internet gratuita iha eskola sira, millaun $1,1 ho Subsídiu akomodasaun ba PNTL no F-FDTL ho orsamentu alokadu millaun $1,9 no Estabelesimentu Sekretaria ba Asuntu Traballadór Esteriór no Komunidade Timoroan iha Diáspora $500 mil Empregu ba mellór alunu universitáriu sira $437,5 mil,”katak nia.
Liu husi Proposta Orsamentu Retifikativu ne’e, Governu propoin ba Parlamentu Nasionál atu halo reforsu finanseiru ba iha títulu Dotasaun Ba Governu Tomak no kria Programa Foun hanaran Medidas Orsamentu Komplementár”, nia relata.
Horiseik ne’e, Konsellu Ministrus aprova ona Proposta Orsamentu Retifikativu ho ninia medidas konjuntu hamutuk sanulu-resin-tolu (13) ne’ebé Governu aprezenta ho intensaun atu redus impaktu ekonómiku ba Timor-oan sira kauza husi situasaun ekonómiku internasionál no aumentu substansiál taxa inflasaun ne’ebé sa’e ba beibeik, nia hakotu. Ana
