Autoridade RAEOA Obriga Funsiunáriu Públiku Uza Tais ba Servisu

Fahe Tutan

Naunil Media (Díli), Sekretária Rejionál Adjuntu Prezidente Autoridade Rejiaun Administrativa Espesiál Oe-Cusse Ambeno (RAEOA) Reforsa Instituisionál, Leonia Monteiro, informa funsionáriu públiku iha Oe-Cusse obrigatoriu uza tais ba servisu, tanba atu fó valor ba produtu tais Oe-Cusse no ajuda ekonommia família nian. 

“Dadaun inisiativa REAOA nian mak ami tenke hola komunidade sira nia tais, tanba ne’e mak funsionáriu públiku iha Oe-Cusse Segunda to’o Kuarta obrigatóriu tenke uza tais”, Sekretária Rejionál Adjuntu Prezidente RAEOA Reforsa Instituisionál, Leonia Monteiro, ba jornalosta sira iha hafoin audensia ho komisaun sira iha uma fukun Parlamentu Nasionál (PN), Kuarta (30/09).

Leonia Monteiro, hatutan tais ne’e mai husi ne’ebé mai husi komunidade rasik tenke sosa rasik bele sosa roupa loja nian di’ak liu sosa komunidade nian tais, nune’e komunidade sira bele hetan osan.

Leonia Monteiru, dehan autoridade indentifika ona tais modelu husi Postu Pasabe no suku Taiboko ba merkadu Internasionál.

“Ami indentifika ona tais iha Oe-Cusse mak tais Pasabe no tais suku Taiboco ninian, ida ne’e mak preoridade ba merkadu Internasionál nian”. Tenik Lonia. Lop

Leave a Reply

Your email address will not be published.