Loron Mundial ba Labarik, Espoza PR Deseza Labarik iha TL
Naunil Media (Díli), Loron 1 fulan Juñu hanesan loron mundial ba labarik sira nian, Espoza Prezidenti Repúblika Cidália Nobre Lopes Mouzinho Guterres, deseza labarik sira nia loron mundial espesialmente ba labarik sira iha Timor-Leste.
“Ami hotu deseza ba labarik sira tanba ohin loron mundial ba labarik espesialmente ba labarik sira iha Timor-Leste, hanoin ho situasaun Covid-19 nian no kalamidade ne’ebé mak ita nia rain hasoru ita hasoru, iha situasaun rua ne’ebé defisil tebes tinan kotuk no tinan ida ne’e”, Dehan Espoza Xefí Estadu Cidália Nobre Lopes Mouzinho Guterres liu husi diskursu bainhira hala’o vizita ba uma mahon Organizasaun Fundasaun Forum Komunikasaun Juventude F-FCJ Oratoriu Dom Bosco Balide, tersa (01/06).
Espoza PR ne’e hatutan iha situasaun rua ne’ebé mak durante ne’e hasoru liu-liu kona-bá hela fatin, ambiente estragus barak.
“Hatene katak ho situasaun rua ne’ebé mak ita hasoru Covid-19 no mós kalamidade halo ita hasoru difikuldade barak tebe-tebes liu liu kona-bá hela fatin ambiente moris estragus barak entaun buat sira ne’e hotu fó inpaktu tebes ba saúde públika ho tan Covid ninian”,Tenik nia
Cidália dehan, situasaun rua ne’e kuaze halo mudansa makas ba vida iha tinan kotuk no ohin maibé hatene katak estadu mós proteze ninia sidadaun sira, Tanba ne’e mak halo vasinasaun no teste masal ne’ebé mak agora dadauk halo hela hanoin ida ne’e di’ak ida tanba inan aman sira hetan vasina ho ida ne’e proteze sira nia an no mós proteze kiik oan sira.
Nia dehan klaru iha difikuldade ne’ebé mak hasoru la’ós iha tempu agora de’it iha tempu kotuk kedas , maibé oinsá mak buka nafatin atu lolo liman ba malu pelumenus atu halo di’ak pasu ida ba oin nafatin ba povu iha rain ida ne’e. *Jos