Servisu Saúde Munisípiu Liquiçá Halo Teste Konfirmasaun COVID-19 Ba Ema Nain 17
Naunil Media (Dili) Liuhosi Sala Situasaun, Porta voz Sentru Integradu Jestaun Krize (CIGC-Sigla Português), Rui Maria de Araújo informa, servisu saúde munisipiu Liquiçá halo ona teste ba ema nain 17 tamba deskonfia kontaktu ho profesor estranjeiru nain rua pozitivu COVID-19.
Porta voz CIGC, Rui Maria de Araújo, ba jornalista sira iha Centro de Convencões de Díli (CCD), Kinta (23/04).
“Servisu saúde munisipiu Liquiçá kontinua hala’o atividade vijilánsia epidemiolojika ne’ebé teknikamente koñesidu nu’udar ‘sentinel surveillance’ ka vijilánsia sentinela. Iha atividade ida ne’e, maski epidemilójikamente ema ida, la tama ida definisaun kazu suspeitu COVID-19, maibé tamba aprezenta sitomas infesaun respiratória aguda. Ema ne’e sujeitu ba rekolla espésime hodi halo análise iha laboratoriu, to’o ohin meiu-dia, sira hosi Liquiçá foti ona espécime, hosi ema nain 17, tamba kazu professor sira nian”, esplika porta voz CIGC, dr. Rui Maria de Araújo.
Entertantu kazu pozitivu iha munisipiu Liquiçá ema nain rua maibe, sidadaun nain rua ne’e husi estranjeiru no durante hala’o kna’ár núdar profesora iha eskola Cafe iha munisipiu refere. Maske nune’e sidadaun estranjeiru nain rua ne’e hetan pozitivu COVID-19 maibe transmisaun lokal seidauk identifika. Uar
