Lere : Governu Tenke Ukun To’o Báze
Naunil Media (Díli), Xefe Estadu Maior Jenerál FALINTIL-FDTL, Majór Jenerál Lere Anan Timur, husu Governu labele abandora povu ki’ik, tanba husu orgaun ezekutivu atu ukun to’o báze.
Xefe Estadu Maior Jenerál FALENTIL Fórsa Defeza Timor-Leste (F-FDTL), Majór Jenerál Lere Anan Timur, ba jornalista hafoin sorumutuk semanal ho Prezidente Repúblika (PR), Francisco Guterres ‘Lú olo’, iha Palásiu Prezidensiál Nicolau Lobato, Bairro Pité, Kuarta (25/11).
“Ohin ami hato’o perkupasaun ba Prezidente Repúblika, katak Governu tenke ukun to’o iha baze labele abandona fali ida kraik no Governu prekupa fali ida leten. Ko’alia kona-ba estabilidaide nasionál mais baze, xefe suku tenki kontrola nia suku no xefe Aldeia tenki kontrola nia aldeia laran, maibé até agora ha’u haree ba xefe suku iha nível nasionál kuaze la’os hotu-hotu, maibé barak lai iha responsabilidade”, dehan Lere.
Eis gerileiru rejistensia komandante rejiaun um ponta leste no veteranu 24 anos ne’e, akresenta hanesan mos iha isntituisaun F-FDTL, kada komadante F-FDTL tenke halo reuniaun ho komadante komponete sira, atu komadante komponete sira koñese soladadu sira nia servisu.
“Ha’u nu’udar komandante forsa armada ninian semana-semana tenke reuniaun ho hau-nia komandante konponente sira atu husu responsavel ba sira tenki kontrola ida-idak ninia konponente hotu-hotu tenki kuñese ninia soldadu sira-nia servisu diak kalae nomós familia di’ak ka la’e, moris ho saúde kalae tanba ne`e mak ita nia estadu tenki halo ida ne’e”, tenik Lere. Pau.
