SEJD ho UN Volunteer Fahe Esperiénsia ba Jovens

Naunil Media (Díli), Sekretáriu Estadu Juventude no Desportu (SEJD), Abrão Saldanha ho ekipa servisu volutrismu sira husi Nasoens Unidas (UN Volunteer) hodi fahe esperiénsia voluntrismu ba joven sira.

“Ne’e mak bolu UN voluntáriu husi Nasoens Unidas servisu voluntriu sira husi Amérika, New Zealand, Austrália no ita nia rasik ne’e Cruz Vermeilha Timor-Leste ho Uniao Eskuteru sira ne’ebé durante ne’e hala’o servisu voluntáriu, nune’e bele inspira ita nia joven sira”, Sekretáriu Estadu, Abrão Saldanha, hato’o asuntu ne’e ba jornálista sira iha Luz Clarita, Tersa (27/10).

Governante ne’e informa “Ohin ne’e sesaun fahe esperiénsia voluntriu ba atu kuda espiritu voluntriu iha estudante  sira nia laran, oinsá sira bele servisu voluntriu iha ba sira nia populasaun rasik”.

Nia dehan, dezafiu ohin loron ne’e la’ós tenki servisu saláriu maibé servisu barak ne’ebé tenke la’o ho volutarismu.

Tuir Nia, voluntáriu mak sira manán esperiénsia no kuinesementu real.

“Husi ne’e mak sira bele sai impatia ba sira nia komunidade no bele responsável”, dehan Nia.

Sesaun voluntáriu fahe esperiénsia voluntária ba estudante edukasaun Fakuldade Edukasaun Fízika Desportu atu sira bele kuiñese servisu voluntáriu. Dvo