COVID-19 Fó Risku Bo’ot Ba Ema Ho Idade 60 Ba Leten

Naunil Media (Díli), Porta voz Sentru Integradu Jestaun Krize (CIGC-Sigla Português), Riu Maria de Araújo, hateten oras surtu corona virus (COVID-19) ne’e fó risku  bo’ot ba ema ho idade neén nolu (60) ba leten.

Porta voz sentru intergradu jestaun krize, Riu Maria de Araújo ba jornalista sira iha sentru integradu, Centro Covenções Díli (CCD), Kuarta (07/04).

“Risku atu hetan no da’et moras ne’e hanesan de’it. Moras ne’e risku no grave liu depende ba kondisaun fíziku ho imunidade ema ida-idak nian, sira ne’ebé idade 60 mai kraik ladun vulneravel.  Atu  tama iha kondiasaun ne’ebé grave liu kompara ho sira ne’ebé idade 60 ba leten”, hateten dr. Rui.

Nia explika, moras ne’e nia gravidade ne’ebé bo’ot liu ba sira ho idade 60 ba leten, tanba sei iha tan moras seluk atu afeta ba sira.

“Sira ne’ebé idade 60 ba leten ne’e, sei iha tan moras seluk ida ne’e ninia risku gravidade ne’e bo’ot liu tan ba sira. Tanba ne’e komunidade ida hetan moras normalmente sa’e ba porsentu 80 (%), kazu ne’e ho moderadu  pursentu 20 (%) bainhira grave presiza ba  atendimentu iha hospitál tantu ida ne’e mak evidensia hosi mundu tomak hatudu” esplika Nia.  

Nia dehan, “Dalan diak liu mak ita tenke prevene para labele hetan moras ne’e. Oras ne’e, dadauk sentru integradu jestaun krize hamutuk ho peritus sira ne’ebé servisu iha ekipa de análize peskiza, ami sei prepara hela manuál de tratamentu klínika ida ne’ebé prepara hela sei hato’o ba públiku kona-ba tipu hosi  ai-moruk nian”. Apm