EdukasaunFEATUREDIkus LiuNews

MESSK Planeia Apoia Liña Internet Ba Estudante no Dosente Sira

Fahe Tutan

Naunil Media (Díli), Governu liuhosi Minitériu Ensinu Superiór Siénsia no Kultura (MESSK) planeia fó subsídiu asesu liña internet  ba estudante no professor/a sira durante periódu estadu emerjénsia (EE).  

Asuntu ne’e hato’o hosi Minitru Ensinu Superiór Siénsia no Kultura (MESSK) Longuinhos dos Santos, ba jornalista sira iha Palásiu Governu, Tersa (07/04).

“MESSK atu prepara liña internet ba estudante no profesores sira. Haruka ona proposta ba Ministériu  Transporte no Telekomunikasaun (MTT), tanba ita iha negósiu operadór  hanesan Telkomsel, Telemor no Timor Telekom. Governu prontu ida ne’e, sei iha diskusaun depois ami sei aprezenta ba Konsellu Ministru atu bele oférese liña internet ba estudante no dosente sira hotu”, informa MESSK Longuinhos.

Governante ne’e klarifika, “MESSK sei foka ba parte 2 mak hanesan área komunikasaun no fó kréditu  ba universidade privada sira. Komunikasaun mak hanesan Liña internet ba estudante no profesor hodi asesu, tanba  estadu emerjénsia bazeia ba dekretu Governu ne’ebé mak inplementa  ona durante fulan ida”.

“Sai  hanesan defikuldade ba estudante sira iha área remotas asesu ba ita nian operadór Timor Telekom, Telemor no Telkomcel hodi bele responde nesesidade estudante sira nian. Governu prepara para atu ajuda estudante sira para operadór sira mak atu bele meus ida atu bele asesu internete gratuita”. Dehan Nia. Fet

Leave a Reply

Your email address will not be published. Required fields are marked *