Timor Oan Feto Ida Mate Iha Irlanda Norte, Deskonfia Kauza COVID-19

Fahe Tutan

Naunil Media (Díli), Ministru Negósius Estranjeirus no Koperasaun (MNEK), Dionísio Babo, informa sidadaun Timor oan feto ida ho idade 58 mate mate iha Irlanda Norte, ne’e deskonfia tanba kauza hosi COVID-19.

Ministru Dionísio Babo Soares, ba jornalista sira iha edifisiu MENK Praias dos Coqueros, Kinta (07/05).

“Ha’u simu informasaun hosi ita-nia embaixadór iha Irlanda Norte, katak ita iha sidadaun Timoroan ida moris iha Díli, feto  ho idade 58 ne’ebé Nai Maromak bolu tiha ona (mate). Ha’u rona katak nia iha moras COVID-19”, haktuir MENK, Dionizio.

Ministru ne’e dehan, dadaun ne’e sei hein hela konfirmasaun hosi Irlanda Norte.

“Ha’u fó tiha ona informasaun ne’e ba doutór sira iha Sentru Integradu Jestaun Krize (CIGC-Sigla Português), maibé ita sei hein hela konfirmasaun hosi Irlanda Norte, tanba ita rona mensajem maibé seidauk haree tuir karta ruma, katak nia mate ne’e afeta hosi COVID-19 kalae?”, dehan Ministru ne’e.

Enkuantu oras ne’e sei iha komfirmasaun lolos hosi Irlanda Norte, katak sidadaun ne’e mate tanba kauza hosi COVID-19, tanba seidauk iha karta ofisiál ruma hosi Irlanda Norte.

Tuir  informasaun katak mate isin sidadaun Timor oan ne’e halot ona iha Irlandia Norte. Apm

Leave a Reply

Your email address will not be published.