Membru PSHT Tama Sai Illegal iha Fronteira, PM Taur Sei Bolu Lideransa PSHT

Fahe Tutan

Naunil Media (Díli), Primieru Ministru (PM) nu’udár Ministru Interior (MI) Taur Matan Ruak, hateten relasiona ho membru Persaudaran Setia Hati Terate (PSHT) tama sai illegal iha fronteira, terestre governu sei kontaktu ho lideransa PSHT atu halo koperasaun diak.

“Ddadaun ne’e la’os reforsa deit seguransa iha frontera mais ami mos halo kontaktu lideransa PSHT atu bele kopera ho guvernu tamba risku ne’e bo’ot no sira bele lori moras ne’e mai no sira nia família bele mos oho ita nia komunidade sira seluk’’, PM Taur Matan Ruak, ba jornalista sira hafoin enkontru ho Prezidente Repúblika, Francisco Guterres ‘Lú Olo’ iha Palasíu Prezidensiál Nicolau Lobato Bairú Pité, Kinta (17/09)

Xefe Governu, Matan Ruak, hatutan kona-ba ema tama illegal parte relevante mos sei halo investigasaun tanba deskonfia iha ema balun mak fasilita.

‘‘Iha liña fronteira perkupasaun bo’ot ne’ebé Governu sei tau importansia hodi kontrola mak relasaun família entre povulasaun sira ne’ebé hela iha frontera, problena tranzisaun sira ba sosa sasan baratu, inklui membru arte Marsiais hirak ne’ebé tama sai hodi ba sa’e sintu iha Indonézia, i ami mos koalia ona Munisipu sira liu-liu Munisipu ne’ebé mak besik liu frontera hanesan Bobonaru, Covalima para reativa fila-fali konselu seguransa Munisípu nian para komtribui fó Seguransa ba ita nian fronter”, tenik Nia. 

Relasiona ho aktus tama illegal, Xefi ezekutivu husu ba ema hotu atu kontrubui hodi bele hadook Timor hosi korona virus ne’ebe mak dadaun ne’e sei kontinua hamate ema barak iha Mundu. Pau/emj9

Leave a Reply

Your email address will not be published.