PR: Tulun Material Konstrusaun Ba Familia Insendiu Comoro
Naunil Média (Dili), Prezidensiá Repúblika (PR), apoiu material konstrusaun ba familia insendiu iha eis Merkadu Comoro, ne’ebe akontese iha Fulan Jullu tinan 2021.
Prezidente Repúblika hanoin tebes oinsá atu tulun ita boot sira, tanba ne’e Prezidénsia Repúblika fo tulun balu, responsabél tomak governu nian. maibé Prezidente Repúblika hanesan aman ba povu tomak, tanba ne’e Prezidente buka meus oinsá mak tulun ita-boot sira.
Lia hirak ne’e hato’o husi Xefe Kaza sivil Francisco Maria de Vasconcelhos, ba Jornalista Bainhira fahe matérial Konstrusaun ba família Insendiu, iha eis merkadu komoro segunda, (18/10).
Xefe Kaza sivil hatutan, apoiu hirak ne’e la’ós barak maibé uitoan-uitoan, tau hamutuk sei halo kompleta malu atu hadi’a fali vitima sira nia situasaun.
Nia hakturi, ajudus ne’e responsabilidade ida maske labarak maibé importante mak relasaun umanu hanesan aman no oan.
“Ajudus ida ne’e hanesan formas ida PR nian responsabilidade, PR nia domin ba ita-boot sira, maske la barak, maibé importante la’ós sasan ne’e, la’e, importante mak ita-nia relasaun, ita-nia domin no hanesan umanu, hanesan aman no oan sira”, Tenik Xefe Casa Sivil.
Nia mós fo hanoin ba autoridade sira atu kordena ho governu liuhusi diresaun Bombeiros, nune’e bele hala’o edukasaun sivika ida oinsá atu hasoru inséndiu, tanba komunidade eis merkadu Comoro afeita ona inséndiu ba dalarua.
Tuir lista familia ne’ebé mak hetan apoiu material konstrusaun no roupa hamutuk 217 mak simu, sasán ne’ebé fahe mak Semente saka 657, besi kotak hamutuk 1.752, baut kalen kaixa 438 no roupa sakola 219.*Jos
