KM Aprova Projetu Proposta Lei Autorizasaun Limite Idade Ba Servisu FP
Naunil Media (Díli), Konsellu Ministrus (KM) aprova ona projetu Proposta Lei, ne’ebé aprezenta husi Ministru Prezidénsia Konsellu Ministrus, Fidelis Manuel Leite Magalhães, ba autorizasaun lejizlativa kona-ba determinasaun limite idade ba relasaun servisu funsionáriu públiku no ajente administrativu sira nian.
Governu hakarak ho projetu Proposta Lei katak Parlamentu Nasionál fó autorizasaun hodi fiksa limite idade hanesan kauza atu remata kontratu serbisu iha Administrasaun Públika,”dehan MPCM,Fidélis Magalhães,bá jornalista sira,hafoin konselho Ministro hotu,iha palácio do governo, Kuarta (06/07).
Nia afirma,Bainhira atinje limite idade, funsionáriu públiku no ajente administrativu sira sei bele reforma no husu ninia pensaun vellise.
Projetu Proposta Lei ida-ne’e, ho objetivu atu estabelese mekanizmu ne’ebé nesesáriu hodi permite rejuvenesimentu (sai joven liu) husi profisionál sira Administrasaun Públika nasionál nian.
“ho posibilita lori kompeténsia foun ba funsionalizmu públiku,”katak nia.
Renovasaun ba kuadru sira iha Administrasaun Públika hanesan medida esensiál ida atu asegura melloria servisu sira ne’ebé presta ba populasaun,”hakotu nia. Ana
