KM Aprova Dekretu Lei FRSS

Fahe Tutan

Naunil Media (Díli), Kuarta (16/09) ne’e, enkontru Komsellu Ministru (KM) mak prezide husi atuál Primeiru Ministru (PM) Taur Matan Ruak aprova dekretu lei Fundu Rezerva ba Seguransa Sosial (FRSS).

Dekretu lei ne’e aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos.

Objetivu husi dekretu lei FRSS atu asegura no iha ligasaun direta ho estabilizasaun finanseira no sustentabilidade husi rejime kontributivu Seguransa Sosiál nian.

Ministru Fidelis, hateten aprova tiha ona projetu Dekretu-Lei, ne’ebé estabelese FRSS no oinsá atu define ninia modelu jestaun rasik.

“FRSS ne’e membru Governu responsavel ba Seguransa Sosiál mak tutela no superviziona no nia objetivu atu asegura no iha ligasaun direta ho estabilizasaun finanseira no sustentabilidade husi rejime kontributivu Seguransa Sosiál nian, no ninia finalidade ne’ebé temi ona. Verba sira husi fundu ne’e foti husi Seguransa Sosiál no sei la konsidera nu’udar fundu públiku”, dehan Fedilis.

Governante ne’e hatutan,   FRSS sei administra no jere tuir rejime kona-ba kapitalizasaun públika husi estabilizasaun nian, hakruk ba kritériu seguransa nian sira, rentabilidade no likidés, ho kuidadu no tuir prinsípiu sira boa-governasaun nian hodi benefisia kontribuinte rejime kontributivu Seguransa Sosiál  sira. Lop

Leave a Reply

Your email address will not be published.